முன்னாள் முதல்வர் மகளுக்கு... செல்போனில் 'ஆபாச' அழைப்புகள்... சிக்கிய 3 நம்பர்கள்!

முன்னாள் முதல்வர் மகளுக்கு செல்போனில் ஆபாச அழைப்புகள் வந்துள்ளன.

ஜம்மு-காஷ்மீர் முன்னாள் முதல்வர் முப்தி முகமது சயீத்தின் மகள் ரூபையா ஷெரீப் (45). இவர் திருமணமாகி சென்னை ஆர்.ஏ.புரம் கேசவபுரத்தில் குடும்பத்தோடு குடியிருந்து வருகிறார். இவரின் கணவர் கார் விற்பனை நிறுவனம் ஒன்றை நடத்தி வருகிறார்.

இந்த நிலையில் தன்னுடைய மொபைலுக்கு 3 ஆபாச அழைப்புகள் வந்துள்ளதாக அபிராமபுரம் காவல் நிலையத்தில் ஷெரீப் புகார் அளித்துள்ளார். இதுகுறித்து விசாரணை நடத்திய போலீசார் சைபர் கிரைம் போலீசார் உதவியுடன் அது எங்கிருந்து வந்தது என்பதை கண்டறிந்து உள்ளனர். தொடர்ந்து அவர்களை பிடிக்க போலீசார் அங்கு சென்றுள்ளதாக கூறப்படுகிறது.