VIDEO: முதல்வர் முன்னால் ‘சண்டை’ போட்ட அமைச்சர், எம்பி.. ஓடி வந்து தடுத்த போலீசார்.. பரபரப்பு வீடியோ..!

முதல்வர் முன்னிலையில் அமைச்சர் மற்றும் எம்பி சண்டையிட்டுக் கொண்ட வீடியோ இணையத்தில் வெளியாகி பரபரப்பை ஏற்படுத்தியுள்ளது.

கர்நாடக மாநிலத்தில் தற்போது பாஜக ஆட்சி செய்து வருகிறது. இந்த நிலையில் நேற்று கர்நாடகாவின் ராமநகராவில் அரசு விழா நடைபெற்றது. அதில் அம்மாநில முதல்வர் பசவராஜ் பொம்மை பங்கேற்றார். மேலும் பாஜக மற்றும் காங்கிரஸ் கட்சியினரும் கலந்து கொண்டனர்.

அப்போது காங்கிரஸ் கட்சியின் பெங்களூரு ஊரக தொகுதி நாடாளுமன்ற உறுப்பினர் டி கே சுரேஷ் மற்றும் கர்நாடக மாநில அமைச்சர் அஸ்வத் நாராயணனுக்கு இடையே வாக்குவாதம் ஏற்பட்டது. இதில் ஆத்திரம் அடைந்த டி கே சுரேஷ் மேடையில் பேசிக்கொண்டிருந்த அமைச்சரை நோக்கி கோபமாக சென்று வாக்குவாதம் செய்தார்.

உடனே அருகில் இருந்த நிர்வாகிகள் மற்றும் போலீசார் அவர்களை தடுத்தனர். இதனிடையே மேடைக்கு கீழே இருந்த பாஜக மற்றும் காங்கிரஸ் உறுப்பினர்களும் கடுமையான வார்த்தை போர்களில் ஈடுபட்டனர்.

உடனடியாக போலீசார் குவிக்கப்பட்டு நிலைமை கட்டுக்குள் கொண்டு வரப்பட்டது. இரண்டு தேசிய கட்சிகளை சேர்ந்த எம்பி மற்றும் அமைச்சர் பொதுமேடையில் சண்டையிட்டுக் கொண்ட வீடியோ இணையத்தில் வெளியாகி பரபரப்பை ஏற்படுத்தியுள்ளது.

Leaders of @BJP4Karnataka & @INCKarnataka - @drashwathcn & @DKSureshINC stop short of coming to blows at a govt event in Ramanagara district of Karnataka. Heated arguments and abuses exchanged in full public view even as @CMofKarnataka @BSBommai appealed for calm. pic.twitter.com/ea7e6CiVpj

— Anusha Ravi Sood (@anusharavi10) January 3, 2022