'ஆல வைகுந்த புரம்லூ' (2020) படத்தின் மாபெரும் வெற்றிக்குப் பிறகு, அல்லு அர்ஜுன் நடிப்பில் சுகுமாரின் இயக்கத்தில் வெளி வரவிருக்கும் திரைப்படம் 'புஷ்பா'.
சுகுமார் இதற்கு முன்பு ராம் சரண் மற்றும் சமந்தா நடிப்பில் தெலுங்கில் வெளியான 'ரங்கஸ்தலம்' (2018) என்ற சூப்பர்ஹிட் திரைப்படத்தை இயக்கியுள்ளார். பான்-இந்தியன் திரைப்படமான 'புஷ்பா' இந்த ஆண்டின் மிகவும் எதிர்பார்க்கப்பட்ட தெலுங்கு திரைப்படங்களில் ஒன்றாகும். இந்த படத்தின் தமிழக வெளியீட்டு உரிமையை Lyca Productions கைப்பற்றி உள்ளது.
சில தினங்களுக்கு முன்பு இந்த படத்தின் ரிலீசை முன்கூட்டியே வெளியிட படக்குழு முடிவு செய்து அதிகாரபூர்வ அறிவிப்பை வெளியிட்டது. அதன் படி வரும் டிசம்பர் 17 ஆம் நாள் வெளியாக உள்ளது. கிறிஸ்துமஸ்க்கு ஒரு வாரம் முன்பு இந்த படம் பல இந்திய மொழிகளில் ரிலிசாகிறது. ஏற்கனவே இந்த படத்தின் போஸ்டர்கள், சிங்கிள் பாடல் வெளியாகி நல்ல வரவேற்பை பெற்றன.
இந்நிலையில் இந்த படத்தின் டிரெய்லர் வரும் டிசம்பர் மாதம் 6 ஆம் நாள் வெளியாகும் என அறிவிக்கப்பட்டது. இந்நிலையில் படக்குழு டிரெய்லருக்கு முன்னதாக டிரெய்லர் டீஸை வெளியிட்டுள்ளது.