நானும் ரௌடிதான் வெற்றிக்குப் பிறகு இயக்குனர் விக்னேஷ் சிவன் - நயன்தாரா - விஜய் சேதுபதி மூவரும் இரண்டாவது முறையாக இணைந்துள்ள படம் "காத்துவாக்குல ரெண்டு காதல்".
Also Read | ரிலீசான காத்துவாக்குல ரெண்டு காதல்.. படம் எப்படி இருக்கு? மக்கள் கருத்துக்கள் ஒரு பார்வை
இவர்களோடு சேர்ந்து சமந்தாவும் இந்த படத்தில் இணைந்துள்ளதால் எதிர்பார்ப்பு அதிகமாக உள்ளது. மாஸ்டர் மற்றும் கோப்ரா ஆகிய படங்களின் தயாரிப்பாளர் லலித் குமார் வழங்க விக்னேஷ் சிவன் தன்னுடைய ரௌடி பிக்சர்ஸ் நிறுவனத்தின் மூலமாக தயாரித்துள்ளார்.
இந்த படத்துக்கு விக்னேஷ் சிவனின் ஆஸ்தான இசையமைப்பாளரான அனிருத் இசையமைக்க, விஜய் கார்த்திக் கண்ணன் ஒளிப்பதிவு செய்துள்ளார். இன்று ஏப்ரல் 28 இந்த படம் ரிலீஸாகி உள்ளது. ரெட்ஜெயிண்ட் மூவிஸ் நிறுவனம் இந்த படத்தை தமிழகத்தில் வெளியிட்டுள்ளது. இந்த படம் சென்சார் போர்டு மூலம் சென்சார் செய்யப்பட்டு U/A சான்றிதழ் பெறப்பட்டுள்ளது. மேலும் இந்த படம் 2 மணி நேரம் 39 நிமிடங்கள் ஓடும் என்றும் அறிவிக்கப்பட்டுள்ளது.
இந்த படத்தில் காதீஜா எனும் கதாபாத்திரத்தில் சமந்தா நடிக்க, கண்மணி எனும் கதாபாத்திரத்தில் நயன்தாரா நடிக்க, ராம்போ என்ற கதாபாத்திரத்தி விஜய் சேதுபதி நடித்துள்ளார். இந்நிலையில் தமிழகத்தில் அதிகாலை 4 மணி ஸ்பெஷல் காட்சிகள் இந்த படத்திற்கு போடப்பட்டன.
இதனை காண விஜய் சேதுபதி குடும்பம் சென்னை ரோகிணி தியேட்டருக்கு வந்து இருந்தனர். விஜய் சேதுபதி மகனும் நடிகருமான சூர்யா சேதுபதி, விஜய் சேதுபதி மனைவி ஜெஸ்ஸி சேதுபதி வந்திருந்தனர்.
விஜய் சேதுபதியின் கட் அவுட்டுக்கு பாலாபிஷேகம் செய்த நிகழ்வை பரவசத்துடன் ஜெஸ்ஸி சேதுபதி பார்த்து மகிழ்ந்தார்.
சமந்தா ரசிகரான சூர்யா சேதுபதி, சமந்தாவின் பெயர் திரையில் தோன்றும் போது கத்தி ஆரவாரம் செய்தார்.
8 ஆவது Behindwoods Gold Medals விருதுகள் இந்த ஆண்டு சென்னை தீவுத்திடலில் உள்ள island மைதானத்தில் மே 15 மற்றும் 22 ஆகிய தேதிகளில் மாலை 6 மணி முதல் இரவு 11.30 மணி வரை நடக்க உள்ளது. இதற்கான டிக்கெட் முன்பதிவு தற்போது தொடங்கியுள்ளது.
நிகழ்ச்சி டிக்கெட் முன் பதிவு செய்யும் லிங்க். https://behindwoods.com/bgm8