விஜய் சேதுபதி & விஷ்ணு விஷாலின் 'இடம் பொருள் ஏவல்'.. ரசிகர்களின் கவனம் ஈர்க்கும் டிரெய்லர்!

Also Read | அடிபொலி..!! தீபாவளி பட்டாசு வெடிக்கும் கீர்த்தி சுரேஷ்.. கலக்கும் ஃபோட்டோஸ்!

இயக்குனர் சீனு ராமசாமி இயக்கத்தில் நடிகர் விஜய் சேதுபதி, நந்திதா ஸ்வேதா, விஷ்ணு விஷால், ஐஸ்வர்யா ராஜேஷ் ஆகியோர் நடிப்பில் தயாராகி உள்ள படம் 'இடம் பொருள் ஏவல்'. பாண்டி எனும் கதாபாத்திரத்தில் விஜய் சேதுபதி நடித்துள்ளார். ஆசைத்தம்பி என்ற கதாபாத்திரத்தில் விஷ்ணு விஷால் நடித்துள்ளார்.

இயக்குனர் லிங்குசாமியின் திருப்பதி பிரதர்ஸ் நிறுவனம் தயாரித்த இந்தப் படத்துக்கு யுவன் சங்கர் ராஜா இசையமைத்துள்ளார். இந்த படத்தின் பாடல்கள் அனைத்தும் வெளியாகி ரசிகர்கள் மத்தியில் நல்ல வரவேற்பை பெற்றன. 2014-ம் ஆண்டு இந்தப் படத்தின் படப்பிடிப்பு கொடைக்கானல், பூம்பாறை ஆகிய இடங்களில் நடந்து முடிந்தது.

இந்நிலையில் இந்த படத்தின் டிரெய்லர் வெளியாகி ரசிகர்கள் மத்தியில் நல்ல வரவேற்பை பெற்று வருகிறது. மேலும் பரவலான கவனத்தையும் ஈர்த்து வருகிறது. இதுவரை 3 மில்லியன் ரசிகர்கள் இந்த டிரெய்லரை கண்டு களித்துள்ளனர். விரைவில் இந்த படம் திரையரங்குகளில் வெளியாகும் என எதிர்பார்க்கப்படுகிறது.

இந்த படத்தின் ரிலீஸ் குறித்த அறிக்கையை சில நாட்களுக்கு முன் படத்தயாரிப்பு நிறுவனம் அதிகாரப்பூர்வமாக வெளியிட்டது. அதில், “இடம் பொருள் ஏவல்” திரைப்படத்தை வெளியிட சென்னை உயர்நீதிமன்றம் உத்தரவு பிறப்பித்துள்ளது. ஆகையால் இப்படத்தை மிக விரைவில் வெளியிட தயாராக உள்ளோம் என்பதை மிகுந்த மகிழ்ச்சியுடன் தெரிவித்துக் கொள்கிறோம்." என தயாரிப்பாளர் N. சுபாஷ் சந்திர போஸ், திருப்பதி பிரதர்ஸ் பிலிம் மீடியா பிரைவேட் லிமிடெட் சார்பில் அதிகாரப்பூர்வமாக அறிவித்துள்ளார்.

Also Read | போடு வெடிய..தல தீபாவளி கொண்டாடிய புகழ் & பென்ஸி! வைரலாகும் சூப்பர் வீடியோ