தேசிய விருது பெற்ற இயக்குனர் வெற்றிமாறன் ‘அசுரன்’, 'பாவக்கதைகள்' படங்களைத் தொடர்ந்து நடிகர் சூரியுடன் இணைந்து பணியாற்றும் “விடுதலை” படத்தின் புதிய அப்டேட் தெரிய வந்துள்ளது.
விடுதலை படத்தின் முக்கிய படப்பிடிப்புகள் சத்தியமங்கலம் சுற்றுவட்டாரப்பகுதிகளில் படமாக்கப்பட்டது. இந்நிலையில் இந்த படத்தின் அடுத்தக்கட்ட படப்பிடிப்பு திண்டுக்கல் மாவட்டம் சிறுமலை பகுதிகளில் இன்று முதல் துவங்க உள்ளதாக தகவல்கள் தெரிவிக்கின்றன. மேலும் இன்று முதல் தொடர்ச்சியாக 15 நாட்கள் சிறுமலையில் படப்பிடிப்பு நடக்கிறது என தகவல்கள் தெரிவிக்கின்றன.
இந்த படம் ஜெயமோகனின் துணைவன் சிறுகதையை அடிப்படையாக வைத்து உருவாகிறது. இந்தப்படத்தில் நடிகர் விஜய் சேதுபதி நக்சலைட்டாக முக்கிய கதாபாத்திரத்தில் நடிக்கிறார். இந்தப்படத்திற்கு இசையமைப்பாளர் இளையராஜா இசையமைக்கிறார். ஒளிப்பதிவாளர் வேல்ராஜ் ISC ஒளிப்பதிவு செய்கிறார். ஜாக்கி கலை இயக்குனராக பணியாற்றுகிறார். பீட்டர் ஹெய்ன் சண்டைக்காட்சி இயக்குனராக பணியாற்றுகிறார்.
இந்தப்படத்தை RS Infotainment தயாரிப்பாளர் எல்ரெட் குமார் தயாரித்து வருகிறார். இவர் ஏற்கனவே கோ, கவண் போன்ற படங்களை தயாரித்தவர்.