அஜித்தின் ரசிகர்கள் அண்மைக்காலமாக வலிமை அப்டேட் கேட்டு வந்துகொண்டிருந்தனர்.
ஆனால்வலிமை திரைப்படத்தின் ஃபர்ஸ்ட் லுக் போஸ்டர் மற்றும் புரொமோஷனுக்கான முன்னெடுப்புகள் அஜித்தின் 50வது பிறந்த தினமான மே-1-ஆம் தேதியில் இருந்து தொடங்கும் என்று வலிமை படத்தின் தயாரிப்பாளர் போனி கபூர் தெரித்துள்ளார். ஆனாலும் ஓராண்டுக்கும் மேலாக வலிமை அப்டேட் எதிர்பார்த்துக்கொண்டிருந்த அஜித் ரசிகர்களை குஷிப்படுத்தும் விஷயமாக பில்லா திரைப்படம் திரையரங்குகளில் அண்மையில் ரீ-ரிலீஸ் ஆகியுள்ளது.
இந்நிலையில் அஜித்தை வைத்து மங்காத்தா திரைப்படம் இயக்கிய வெங்கட் பிரபு தமது ட்விட்டர் பக்கத்தில், தயாரிப்பாளர் தயா அழகிரியை டேக் செய்து, “தயா அழகிரி சார், வரும் மே மாதம் 1 -ஆம் தேதி, நம்ம தல50-ஆன மங்காத்தா-வை உங்க செல்வாக்கை பயன்படுத்தி ஏப்ரல் 30-ஆம் தேதி ரீ-ரிலீஸ் செய்தால் ரசிகர்களாகிய நாங்கள் உங்களுக்கு கடமைப்பட்டிருப்போம்! பாத்து செய்யுங்க.” என்று குறிப்பிட்டுள்ளார்.
ALSO READ: பிரபல டிவி சேனலில் நேரடியாக ரிலீஸ் ஆகும் கதிர் - சூரியின் அசத்தல் காம்போ படம்!