நடிகர் சூர்யா நடிப்பில் கடைசியில் வெளியாகியிருந்த திரைப்படம் 'சூரரைப் போற்று'.. சுதா கொங்காரா இயக்கத்தில் தயாரான இந்த திரைப்படம், அமேசான் OTT தளத்தில் வெளியாகி, ரசிகர்கள் மத்தியில் அதிக வரவேற்பை பெற்றிருந்தது.
இதனைத் தொடர்ந்து, நடிகர் சூர்யா, தற்போது வெற்றிமாறன் இயக்கத்தில் வாடிவாசல் மற்றும் பாண்டியராஜ் இயக்கத்தில் இன்னும் பெயர் சூட்டப்படாத திரைப்படம் ஒன்றிலும் நடித்து வருகிறார். இதில், பாண்டிராஜ் இயக்கத்தில் உருவாகி வரும் திரைப்படம், #Suriya40 என அழைக்கப்பட்டு வருகிறது.
கொரோனா தொற்று காரணமாக, தற்போது படப்பிடிப்புகள் எதுவும் நடைபெறாத நிலையில், இயக்குனர் பாண்டிராஜ் சூர்யாவின் திரைப்படம் குறித்து அசத்தல் அப்டேட் ஒன்றை தனது ட்விட்டர் பக்கத்தில் தெரிவித்துள்ளார். அதில், '#Suriya40 update. Dear #AnbaanaFans 35% படம் முடிஞ்சுருக்கு. எடுத்தவரைக்கும் நல்லா வந்திருக்கு. அடுத்த schedule Lockdown முடிஞ்சதும் start பண்ண வேண்டியதுதான் Our team Ready. Title Mass ah, Pre Anoucement ஓட வரும் . July வரை time kodunga plz 🤗🙏' என குறிப்பிட்டுள்ளார்.
ஜூலை மாதம் 23 ஆம் தேதி சூர்யாவின் பிறந்தநாள் என்பதால், இந்த படத்தின் டைட்டில் மற்றும் ஃபர்ஸ்ட் லுக், அன்று வெளியிடப்படலாம் என சூர்யா ரசிகர்கள் மிகுந்த எதிர்பார்ப்பில் உள்ளனர்.