மாரி 2 படத்தில் நடிகர் தனுஷூடன் நடித்திருந்த மலையாள நடிகர் டோவினோ தாமஸ் ஆக்ஷன் காட்சியில் நடித்துக் கொண்டு இருக்கும்போது சிறு தீ விபத்தில் சிக்கினார். தற்போது மருத்துவமனையில் சிகிச்சை பெற்று வருகிறார்
டொவினோ தாமஸ் மலயாள சினிமாவில் புகழ்பெற்ற இளம் தலைமுறை நடிகர். தாரா, எண்ணுநிண்டே மொய்தீன், சார்லி, லூஸிஃபர் போன்ற படங்களில் நடித்து புகழ் பெற்றவர். சமீபத்தில் இவர் நடிப்பில் வெளியான உயரே,வைரஸ் படங்கள் மிகப்பெரிய வரவேற்பையும் விமர்சகர்களிடம் இருந்து நல்ல விமர்சனங்களையும் பெற்று ஓடிக்கொண்டிருக்கிறது.
சின்ன சின்ன கேரக்டர்களில் கூட இமேஜ் பார்க்காமல் நடிக்க கூடிய ஹீரோ. தனி ஹீரோவாக இவர் நடிக்கும் படங்களும் நல்ல வரவேறபை பெற்று வருகிறது. இவர் தமிழில் அபியும் நானும் படத்தில் ஹீரோவாக நடித்துள்ளார். மேலும் தனுஷ் நடிப்பில் வெளியான மாரி 2 படத்தில் வில்லனாக நடித்தார். அதில் அவர் நடிப்பு அவருக்கு தமிழில் நல்ல பெயரை பெற்றுத் தந்தது.
டொவினோ தாமஸ் தற்பொது புதுமுக இயக்குநர் ஸ்வப்நேஷ் கே நாயர் இயக்கத்தில் எடக்காட் பட்டாலியன் 06 எனும் படத்தில் நடித்து வருகிறார். இப்படத்தில் சம்யுக்தா மேனன் ஹீரோயினாக நடித்து வருகிறார். தமிழ் நடிகை ரேகா ஒரு முக்கிய பாத்திரத்தில் நடித்து வருகிறார். சினு சித்தார்த் ஒளிப்பதிவு செய்ய காளிதாஸ் மேனன் இசையமைக்கிறார்.
இப்படத்தின் ஷீட்டிங்கில் தான் அவர் தீ விபத்தில் சிக்கியுள்ளார். இப்படதிற்காக ஒரு ஆக்ஷன் காட்சி எடுக்கப்பட்டபோது ''பாடி டபுள்'' எனப்படும் ஸ்டண்ட் நடிகரை பயன்படுத்தாமல் தானே நடித்துள்ளார் டொவினோ தாமஸ். அதில் ஏற்பட்ட ஒரு சிறு தீ விபத்தில் டொவினோ தாமஸ் சிக்கியுள்ளார். அவருக்கு சிறிய அளவில் தீக்காயங்கள் ஏற்பட்டுள்ளது
படக்குழு அவரை உடனடியாக மருதுவமனையில் சேர்த்துள்ளனர். தற்போது அவருக்கு தீவிர சிகிச்சை அளிக்கப்பட்டு வருகிறது. அவருக்கு காயங்கள் மிகச் சிறிய அளவில் உள்ளதால் மிக விரைவில் குணமாகி விடுவார் என படக்குழு தெரிவித்துள்ளது.