தியாகராஜன் குமாரராஜாவின் இயக்கத்தில் விஜய் சேதுபதி நடிப்பில் வெளியான சூப்பர் டீலக்ஸ் திரைப்படம் சர்வதேச திரைப்பட விழாவில் திரையிட இருக்கிறது.
![Thiagarajan Kumararaja's "Super Deluxe" continues its International Tour Thiagarajan Kumararaja's "Super Deluxe" continues its International Tour](https://tamil.behindwoods.com/tamil-movies-cinema-news-ta/images/thiagarajan-kumararajas-super-deluxe-continues-its-international-tour-new-home-mob-index.jpeg)
விஜய் சேதுபதி நடிப்பில் வெளியான படம் சூப்பர் டீலக்ஸ். தியாகராஜன் குமாரராஜாவின் இயக்கத்தில் உருவான இப்படம் ரசிகர்களிடையே கலவையான விமர்சனம் பெற்றது. இருப்பினும், பல திரைப்பட விழாக்களில் இப்படம் இடம் பெற்று வருகிறது.
வரும் ஜூன் 27 முதல் ஜூலை 07ம் தேதி வரை கொரியாவின் போய்ஷன் நகரில் நடைபெறவிருக்கும், பிரசித்தி பெற்ற 23வது
‘போய்ஷன் சர்வதேச பெண்டாஸ்டிக் திரைப்பட விழாவில்’ (BIFAN), ‘சூப்பர் டீலக்ஸ்’ திரையிடப்பட இருக்கிறது.
‘சூப்பர் டீலக்ஸ்’ போய்ஷன் பெண்டாஸ்டிக் திரைப்பட விழாவில், ‘வர்ல்ட் பெண்டாஸ்டிக் ப்ளூ’ பிரிவில் திரையிடப்பட தேர்ந்தெடுக்கப்பட்டுள்ளது. இந்த விழாவில் ‘அந்தாதுன், கல்லி பாய் மற்றும் மணிகாமிகா’ ஆகிய பிற இந்திய மொழி படங்களும் திரையிடப்பட இருக்கிறது.