"இந்தா வந்துருச்சுல".. விஐய் நடிப்பில் வாரிசு!.. வெளியான சென்சார் அப்டேட்!!

Also Read | "விக்ரமன் கூட சண்ட போடாத".. வெளியேறிய நேரத்திலும் அசிம்-க்கு மணிகண்டா கொடுத்த அட்வைஸ்!!

வாரிசு படத்தில் நடிகர் விஜய்யுடன் ராஷ்மிகா மந்தனா முதல் முறையாக இணைந்து நடித்துள்ளார். இவர்களுடன் பிரபு, சரத் குமார், பிரகாஷ் ராஜ், ஜெயசுதா, குஷ்பு, ஸ்ரீகாந்த், ஷாம், யோகி பாபு, சங்கீதா, சம்யுக்தா எனப் பெரிய நட்சத்திர பட்டாளமே இந்த படத்தில் நடித்துள்ளனர். இப்படத்திற்கு, ஹரி மற்றும் ஆஷிஷோர் சாலமன், விவேக் இணைந்து கதை & கூடுதல் திரைக்கதை எழுதி உள்ளனர். இசை மற்றும் ஒளிப்பதிவு முறையே எஸ் தமன் மற்றும் கார்த்திக் பழனி கவனித்து வருகின்றனர். கேஎல் பிரவீன் படத்தொகுப்பாளராக பணியாற்றுகிறார்.

மேலும் இந்த படத்தை தயாரிப்பாளர்கள் தில் ராஜு & ஷிரிஷின் தயாரிப்பு நிறுவனமான ஸ்ரீ வெங்கடேஸ்வரா கிரியேஷன்ஸின் கீழ் தயாரிக்கிறார்கள். வாரிசு படத்தின் இசை வெளியீட்டு விழா, கடந்த டிசம்பர் 24 ஆம் தேதியன்று சென்னை நேரு உள் விளையாட்டு அரங்கில் வைத்து நடைபெற்றிருந்தது.

இந்த நிகழ்வில், விஜய், ராஷ்மிகா மந்தனா , எஸ்.ஏ.சந்திரசேகர், ஷோபா சந்திரசேகர், வாரிசு பட தயாரிப்பாளர் தில் ராஜூ, இயக்குனர் வம்சி பைடிபள்ளி, இசையமைப்பாளர் தமன், சங்கர் மகாதேவன், டிரம்ஸ் சிவமணி, பிரகாஷ் ராஜ், சரத்குமார், நடிகர் ஷாம் மற்றும் பலர் கலந்துகொண்டனர். வாரிசு படத்தின் 5 பாடல்களும் வெளியாகி இருந்தது.

இந்த நிகழ்ச்சியில் நடிகர் விஜய் பேசி இருந்த விஷயங்களும் பெரிய அளவில் வைரலாகி ரசிகர்களை வெகுவாக கவர்ந்திருந்தது. இந்த நிலையில், வாரிசு படத்தின் சென்சார் குறித்து தற்போது நம்பத் தகுந்த வட்டாரங்களில் இருந்து தகவல் ஒன்று கிடைத்துள்ளது.

அதன்படி, வாரிசு படத்தின் தணிக்கை இன்று (02.01.2023) நடைபெறும் என தகவல் கிடைத்துள்ளது. அப்படி ஒரு சூழலில், இது குறித்த அதிகாரபூர்வ தகவல் வெளியான பிறகு, வாரிசு படத்தின் ட்ரைலர் குறித்த அப்டேட் வெளியாகலாம் என்றும் ரசிகர்கள் எதிர்பார்த்து வருகின்றனர்.

Also Read | "உன் கேள்விக்கு பதிலே சொல்ல முடியாது".. அசிம் போல மாறி ஆவேசமா பேசிய ஷிவின்.. கமல் கொடுத்த Thug Life!!