போனி கபூர் தயாரிப்பில், இயக்குனர் எச். வினோத் இயக்கத்தில், நிரவ் ஷா ISC ஒளிப்பதிவில், யுவன் சங்கர் ராஜா இசையில், தல அஜித் நடித்த நேர்கொண்ட பார்வை திரைப்படம் கடந்த 2019ம் ஆண்டு வெளியானது. பின்னர் நேர்கொண்ட பார்வை படத்தின் அதே வெற்றிக்கூட்டணி மீண்டும் வலிமை படத்தில் இணைந்தது.
2020 ஆம் ஆண்டு தீபாவளிக்கு வெளிவருவதாக அறிவிக்கப்பட்ட வலிமை திரைப்படம், கொரோனா காரணமாக படப்பிடிப்பு தள்ளிப்போனதால் படத்தின் வெளியீடும் தள்ளிப் போனது. இந்நிலையில் வலிமை படத்தின் படப்பிடிப்பு தற்போது இறுதி கட்டத்தை எட்டியுள்ளது.
அதனைத் தொடர்ந்து படக்குழு வலிமை படத்தின் போஸ்டர்களையும், முதல் சிங்கிள் பாடலையும் வெளியிட்டு படத்தின் பிரமோஷனை ஆரம்பித்துள்ளன்ர். இந்நிலையில் படத்தின் இறுதிக்கட்ட படப்பிடிப்புக்கு படக்குழு ரஷ்யா சென்றிருந்தது. அதில் தல அஜித் பங்கேற்கும் மிகப்பெரிய பைக் சண்டைக்காட்சிகள் படமாக்கப்பட்டன. மிகவும் திட்டமிட்ட இந்த படப்பிடிப்பு நிறைவடைந்துவிட்டதாக தகவல்கள் தெரிவிக்கின்றன. மேலும் வலிமை படக்குழு மாஸ்கோவில் இருந்து சென்னைக்கு இந்திய நேரப்படி (09.01.2021) அன்று மாலை பயணப்பட்டுள்ளனர்.
ஆனால் தல அஜித் மட்டும் இன்னும் ரஷ்யாவிலே இருப்பதாக தகவல்கள் தெரிவிக்கின்றன. மேலும் 5 ஆயிரம் கிலோ மீட்டர் வரை ரஷ்யாவில் பைக்கில் பயணம் செய்ய அஜித் முடிவு செய்துள்ளதாகவும் இதனால் படப்பிடிப்பு முடிந்த பிறகும் ரஷ்யாவிலேயே தங்கி உள்ளதாகவும் தகவல்கள் தெரிவிக்கின்றன.
மேலும் தல அஜித் ரஷ்யாவில் எடுத்த புகைப்படங்கள் தற்போது வைரலாகி வருகின்றன.