நடிகர் சிவகார்த்திகேயன் நடிக்கும் 'மாவீரன்' படத்தில் பிரபல தெலுங்கு வில்லன் நடிகர் இணைந்துள்ளார்.
Also Read | 'வாத்தி' படத்தின் 'வா வாத்தி' பாடல்.. தனுஷ் பாட & G.V. பிரகாஷ் வாசிக்க.. அசத்தலான SNEAK PEEK!
ப்ரின்ஸ், படத்தையடுத்து சிவகார்த்திகேயன் அடுத்த படமாக 'மாவீரன்' படத்தில் இயக்குனர் மடோன் அஸ்வினுடன் இணைந்துள்ளார். மடோன் அஸ்வின், யோகிபாபு நடிப்பில் வெளியான 'மண்டேலா' படத்தை இயக்கி இரண்டு தேசிய விருதை வென்றவர் என்பது குறிப்பிடத்தக்கது.
இந்த மாவீரன் படத்திற்கு தெலுங்கில் இந்த படத்திற்கு மஹாவீருடு என பெயரிடப்பட்டுள்ளது.
இந்த மாவீரன் படத்தை பிரின்ஸ் படத்தை தயாரிக்கும் சாந்தி டாக்கிஸ் நிறுவனம் தயாரிக்கிறது. இந்த மாவீரன் படத்தின் படப்பிடிப்பு சில நாட்களுக்கு முன்பு பூஜையுடன் துவங்கியது.
இந்த பூஜையில் இயக்குனர் ஷங்கர் கலந்து கொண்டதும் குறிப்பிடத்தக்கது. இந்த படத்தில் சிவகார்த்திகேயனுக்கு ஜோடியாக இயக்குனர் ஷங்கரின் மகள் அதிதி ஷங்கர் நடிக்கிறார். மேலும் மற்ற முக்கிய வேடத்தில் மிஷ்கின் & சரிதா நடிக்க இருப்பதாக அதிகாரப்பூர்வமாக அறிவிக்கப்பட்டுள்ளது.
இந்த படத்தின் ஒளிப்பதிவாளராக விது ஐயனா பணிபுரிகிறார். பரத் சங்கர் இசையமைக்க உள்ளார். இவர்கள் ஏற்கனவே மண்டேலா படத்தில் பணிபுரிந்தவர்கள்.
இந்நிலையில் இந்த படத்தில் தெலுங்கு சினிமாவில் பிரபல நடிகரான சுனில் இணைந்துள்ளார்.
தெலுங்கு சினிமாவில் நகைச்சுவை நடிகராக அறிமுகமாகி, கதாநாயகனாகவும், வில்லனாகவும் புகழ் பெற்றவர் நடிகர் சுனில்.
கடந்த வருடம் அல்லு அர்ஜுன் நடித்து வெளிவந்த 'புஷ்பா' படத்தில் ‘மங்களம் சீனு’ என்ற கதாபாத்திரத்தில் சுனில் வில்லனாக நடித்திருந்தார்.
Also Read | "டெய்லி காலைல சாப்பிட்ற உணவு இவை தான்".. நடிகை மாளவிகா மோகனன் பகிர்ந்த சமையல் குறிப்புகள்!