வேல்ஸ் இன்டர்நேஷனல்ஸ் ஐசரி கணேஷ் தயாரிப்பில் கௌதம் வாசுதேவ் மேனன் இயக்கும் வெந்து தணிந்தது காடு படத்தில் சிம்பு தற்போது நடித்து வருகிறார். அதனைத்தொடர்ந்து பத்து தல படத்திலும் நடிக்க இருக்கிறார்.
இந்நிலையில் கடந்த 2013 ஆம் ஆண்டு அக்டோபர் மாதம் 2 ஆம் நாள் இயக்குனர் கோகுல் இயக்கத்தில் விஜய் சேதுபதி நடிப்பில் வெளியான இதற்குத்தானே ஆசைப்பட்டாய் பாலகுமாரா திரைப்படம் வணிகரீதியில் நல்ல வெற்றி பெற்றது. அதனைத் தொடர்ந்து இவர் இயக்கிய காஷ்மோரா, ஜூங்கா திரைப்படங்கள் கலவையான விமர்சனங்களை பெற்றது.
இந்நிலையில் மீண்டும் வெற்றிப் பாதைக்கு திரும்ப இயக்குனர் கோகுல், கொரோனா குமார் என்ற புதிய படத்தை இயக்க உள்ளார். இந்த படம் இதற்குதானே ஆசைப்பட்டாய் பாலகுமாரா திரைப்படத்தின் ஸ்பின் ஆப் ஆகும். அந்த படத்தில் வந்த சுமார் மூஞ்சி குமார் கதாப்பாத்திரத்தின் நீட்சியாக கொரோனா குமார் கதாபாத்திரம் உருவாகி உள்ளது.
இந்தப்படத்தில் நடிகர் சிம்பு ஹீரோவாக நடிக்கிறார் இந்த படத்தை ஐசரி கணேஷ் தயாரிக்கிறார். இந்த படத்தின் படப்பிடிப்பு வரும் செப்டம்பர் மாதம் 24 அல்லது 25 அன்று துவங்க உள்ளது என தகவல்கள் தெரிவிக்கின்றன. இந்த படம் சிம்புவின் 48வது திரைப்படமாகும். இந்த படம் பற்றிய அதிகாரப்பூர்வ அறிவிப்பு நாளை வெளியாகிறது.