கலர்ஸ் தமிழ் தொலைக்காட்சியில் ஒளிபரப்பான பிரபல சீரியலான 'திருமணம்' சீரியலில் நாயகர்களாக நடித்த சித்து மற்றும் ஸ்ரேயா இருவரும் காதலித்து பின்னர் நிச்சயதார்த்தம் செய்துகொண்டனர்.
முன்னதாக நவம்பர் 21-ஆம் தேதி, 2021 (ஞாயிறு) அன்று சித்து மற்றும் ஸ்ரேயா இருவருக்கும் இடையிலான திருமணம் நடப்பதாக தகவல்கள் தெரியவந்த உடனேயே ரசிகர்கள் ஆரவாரம் செய்யத் தொடங்கிவிட்டனர்.
இதனிடையே இவர்களின் திருமணத்தை ஒட்டி நடந்த மெகந்தி ஃபங்ஷன் புகைப்படங்களும் சமூக வலைதளங்களில் வைரல் ஆகி வந்தன. இந்நிலையில் இவர்களின் திருமண வீடியோ தற்போது வைரலாகி வருகிறது. அதில் தாலிகட்டும்போது ஸ்ரேயா, சந்தோஷத்தில் அழுவதும், வெட்கத்தில் சிவப்பதும் பதிவாகியுள்ளது.
நடிகர் சித்து, தற்போது விஜய் டிவியில் ஒளிபரப்பாகி வரும் ராஜா ராணி தொடரின் இரண்டாம் பாகத்தில் நாயகனாக நடித்து வருகிறார் என்பது குறிப்பிடத்தக்கது.