அர்ஜுன், ரம்பா, மீனா, விஜயகுமார், ராசன் பி. தேவ், வடிவேலு, ஆனந்தராஜ், டெல்லி கணேஷ், சின்னி ஜெயந்த் மற்றும் பலரது நடிப்பில் 1996-ஆம் ஆண்டு வெளியான திரைப்படம் செங்கோட்டை.
வித்தியாசாகர் இசையமைத்த இந்த படத்தை சூப்பர் குட் பிலிம்ஸ் தயாரித்திருந்தது. இந்திய உணர்வை போற்றும் விதமாக உருவாகியிருந்த இந்த படத்துக்கு திரைக்கதை அமைத்து இயக்கியவர் சி. வி. சசிகுமார். இவர்தான் தற்போது மரணம் அடைந்துள்ளார்.
ராமச்சந்திரா மருத்துவமனையில் கேன்சருக்கான சிகிச்சை பெற்று வந்த நிலையில் இன்று ஏற்பட்ட திடீர் மாரடைப்பால், செங்கோட்டை படத்தினை இயக்கிய இயக்குநர் சசிகுமார் பரிதாபகரமாக காலமாகியுள்ளதாக செய்திகள் தெரியவந்துள்ளன.
இவர் செங்கோட்டை படத்தைத் தவிர்த்து சன் டி.வி.யில் ஒளிபரப்பான மகாபாரதம் தொடரையும் இயக்கியவர் என்பது குறிப்பிடத்தக்கது.
Tags : Senkottai, Mahabharatham, Arjun, SunTV, Tv Serial, Film director passed away