ரெஜினா கசாண்ட்ரா கடைசியாக சமீபத்தில் சிம்பு தேவன் இயக்கத்தில் வெளியான கசடதபற படத்தில் நடித்திருந்தார்.
இந்நிலையில் இயக்குனர் கார்த்திக் ராஜு இயக்கத்தில் அடுத்து வரவிருக்கும் சூர்ப்பனகை படத்தின் டிரெய்லர் இன்று (1409.2021) வெளியாகி உள்ளது. இந்த படத்தில் நடிகை ரெஜினா தொல்பொருள் ஆய்வாளராக தோன்றுகிறார். ட்ரெய்லரைப் பார்க்கும்போது, அவர் படத்தில் இரட்டை வேடத்தில் நடிப்பதாகத் தெரிகிறது.
ஒருவர் தொல்பொருள் ஆய்வாளராகவும் மற்றவர் பேயாகவும் வருவது போல் தெரிகிறது. இப்போது வெளியிடப்பட்ட 2 நிமிட டிரெய்லர் வீடியோ மிகவும் நம்பிக்கைக்குரிய வகையில் அமைந்து படத்தின் எதிர்பார்ப்பை அதிகரித்துள்ளது.
இந்த படத்தில் ரெஜினா உடன், அக்ஷரா கவுடா, ஜேபி, மன்சூர் அலிகான், ஜீவா ரவி, மைக்கேல், கவுஷிக், யோகி, ரவி ராஜா ஆகியோர் முக்கிய கதாபாத்திரங்களில் நடிக்கின்றனர். ஆப்பிள் ட்ரீ ஸ்டுடியோஸ் பேனரில் ராஜ் சேகர் வர்மா தயாரித்துள்ளார். சாம் சிஎஸ் இந்த படத்திற்கு இசையமைக்கிறார்.
இந்த படத்திற்க்கு பிறகு, ரெஜினா நடித்து வெளியீட்டிற்காக ஆச்சார்யா, பார்டர், பார்ட்டி போன்ற படங்கள் உள்ளன.