தமிழகத்தில் மிகுந்த கட்டுப்பாடுகளுடன் சீரியல் படப்பிடிப்புகள் நடைபெற்று வருகிறது. குறைவான நபர்களே படப்பிடிப்பில் கலந்து கொள்ள வேண்டும், பாதுகாப்பு நடைமுறைகளை முறையாக பின்பற்ற வேண்டும் என தமிழக அரசால் அறிவுறுத்தப்பட்டுள்ளது.
இந்நிலையில் ஹிந்தி சீரியலான Yeh Rishta Kya Kehlata Hai ரசிகர்களிடையே மிகவும் பிரபலம். இந்நிலையில் இந்த சீரியலில் 3 நடிகர்கள் மற்றும் 4 தொழில்நுட்ப கலைஞர்களுக்கு கொரோனா பாதிப்பு ஏற்பட்டுள்ளதாம். இதனால் சீரியல் படப்பிடிப்பு தற்காலிகமாக நிறுத்தப்பட்டுள்ளது.
பாதிக்கப்பட்டவர்களுக்கு அறிகுறிகள் பெரிதாக இல்லையென்பதால் அவர்கள் மருத்துவர்களின் அறிவுரையின் பேரில் வீட்டிலேயே தனிமைப்படுத்தப்பட்டுள்ளனர். மேலும் படப்பிடிப்பு தளங்கள் தூய்மைப்படுத்தப்பட்டு கிருமி நாசினிகள் பயன்படுத்தப்பட்டுள்ளன.
Tags : Coronavirus, Covid 19