கல்கியின் புகழ் பெற்ற "பொன்னியின் செல்வன்" நாவலை அடிப்படையாக கொண்டு, முன்னணி இயக்குனரான மணிரத்னம், பொன்னியின் செல்வன் படத்தை இரண்டு பாகங்களாக இயக்கி வருகிறார். லைகா புரொடக்ஷன்ஸ் தயாரித்துள்ள இதன் முதல் பாகமான 'பொன்னியின் செல்வன் - பாகம் 1', செப்டம்பர் மாதம் 30 ஆம் தேதி திரை அரங்குகளில் வெளியாகும் என அதிகாரபூர்வமாக அறிவிக்கப்பட்டுள்ளது.
Also Read | "PS-ல இந்த கேரக்டர் நான் பண்ணவானு கேட்டேன்.. மணி சார் ஒத்துக்கவே இல்ல.!"- ரஜினி..
இந்த படத்தில் நடிகர்கள் சியான் விக்ரம், ஜெயம் ரவி, கார்த்தி, ஐஸ்வர்யா ராய், ஐஸ்வர்யா லெக்ஷ்மி, த்ரிஷா, சரத்குமார், பார்த்திபன், பிரகாஷ் ராஜ், பிரபு, விக்ரம் பிரபு, லால், ஜெயராம், ரஹ்மான் உள்ளிட்டோர் நடிக்கிறார்கள். ஆதித்ய கரிகாலன் கதாபாத்திரத்தில் விக்ரமும், வந்தியத்தேவனாக கார்த்தியும், அருண்மொழி வர்மனாக ஜெயம் ரவியும் நடிக்கின்றனர். நந்தினியாக ஐஸ்வர்யா ராயும், குந்தவையாக த்ரிஷாவும் நடிக்கின்றனர்.
இந்த படத்திற்கு இசைப்புயல் ஏ.ஆர். ரஹ்மான் இசையமைக்கிறார். ரவிவர்மன் ISC ஒளிப்பதிவு செய்துள்ளார். இந்நிலையில், தற்போது இந்த படத்தின் டிரெயிலர் மற்றும் இசை வெளியீட்டு விழா, நேரு உள் விளையாட்டு அரங்கில் மிகவும் பிரம்மாண்டமாக நடந்தது. இந்த விழாவில், உலக நாயகன் கமல்ஹாசன், சூப்பர்ஸ்டார் ரஜினிகாந்த், இயக்குனர்கள் ஷங்கர், மிஷ்கின், நடிகர் சித்தார்த், நடிகை அதிதி ராவ் என ஏராளமான திரை பிரபலங்கள், பொன்னியின் செல்வன் படத்தின் டிரெயிலர் மற்றும் இசை வெளியீட்டு விழாவில் கலந்து கொண்டனர்.
இந்த நிகழ்ச்சியில் கலந்து கொண்ட நடிகை த்ரிஷாவிடம், கேள்வி ஒன்று கேட்கப்பட்டது. முன்னதாக, ஜெயம் ரவிக்கு ஜோடியாக நிறைய படங்களில் த்ரிஷா நடித்துள்ளார். அதே போல, விக்ரமுக்கு ஜோடியாகவும் ஒரு சில படங்களில் த்ரிஷா நடித்துள்ளார். அப்படி இருக்கையில், பொன்னியின் செல்வன் படத்தில் விக்ரம் மற்றும் ஜெயம் ரவி ஆகியோர், த்ரிஷாவுக்கு சகோதரர்களாக நடித்துள்ளார்கள்.
இது பற்றிய கேள்விக்கு பதிலளித்த நடிகை த்ரிஷா, “உண்மையில் Bro என அழைக்க மிகவும் கஷ்டமாக தான் இருந்தது. ஆனால், நீங்கள் பொன்னியின் செல்வன் படம் பார்க்கும்போது இவை எதுவும் உங்கள் மனதில் தோன்றாது, நாங்கள் அதனை அப்படிதான் கையாண்டிருக்கிறோம்” என கூறி உள்ளார்.
Also Read | PS1: என்னா Friendship.. பேசும்போது ரஜினி வெச்ச Request.. கமல் செய்த காரியம்.. நெகிழ்ச்சியில் அரங்கம்..