பொன்னியின் செல்வன் படத்தின் வந்தியத்தேவன் கதாபாத்திரத்தின் புதிய போஸ்டர் வெளியாகி உள்ளது.
Also Read | அட்லி இயக்கத்தில் ஷாருக்கான் நடிக்கும் 'ஜவான்'.. நயன்தாராவின் வைரல் வீடியோ!
புகழ்பெற்ற மறைந்த எழுத்தாளர் கல்கி கிருஷ்ணமூர்த்தி அவர்களின் "பொன்னியின் செல்வன்" நாவலை அடிப்படையாக கொண்டு, அதே பெயரில் "பொன்னியின் செல்வன்" படத்தை இரண்டு பாகங்களாக இயக்குனர் மணிரத்னம் இயக்குகிறார்.
முழு வீச்சில் நடந்த இப்படத்தின் படப்பிடிப்பு பல நகரங்களில் பல கட்டங்களாக நடைபெற்றது. இதில் பல கட்ட படப்பிடிப்புகள் பாண்டிச்சேரி, ஐத்ராபாத், குவாலியர், ஆர்ச்சா, மகேஸ்வர், பொள்ளாச்ச்சி, உடுமலை, மைசூர் நகரங்களில் நடந்தது. இந்த படத்தின் படப்பிடிப்பு சமீபத்தில் நிறைவுற்றதாக படக்குழு அதிகாரப்பூர்வமாக அறிவித்தது. தற்போது படத்தின் பின் தயாரிப்பு பணிகள் நடந்து வருகிறது.
லைகா மற்றும் மெட்ராஸ் டாக்கீஸ் நிறுவங்கள் இணைந்து தயாரித்திருக்கும் இத் திரைப்படம் இரண்டு பாகங்களாக பிரம்மாண்டமாக உருவாகி இருக்கிறது. இதில் முதல் பாகமான “பொன்னியின் செல்வன் -1” 2022 செப்டம்பர் 30 ஆம் தேதி திரைக்கு வர இருப்பதாக அதிகாரபூர்வ அறிவிப்பு வெளிவந்தது.
இந்த படத்தின் எடிட்டிங்கை ஸ்ரீகர் பிரசாத் கவனித்து வருகிறார், கலை இயக்குனராக தோட்டா தரணி பணிபுரிகிறார். ரவி வர்மன் ISC இப்படத்திற்கான ஒளிப்பதிவை செய்கிறார். இசைப்புயல் ஏ.ஆர்.ரஹ்மான் இசையமைக்கிறார்.
நேற்று பொன்னியின் செல்வன் படத்தில் நடிகர் விக்ரமின் கேரக்டர் லுக் போஸ்டர் வெளியானது. இந்நிலையில் இன்று நடிகர் கார்த்தியின் வாணர்குல வீரன்.
வல்லவரையன் வந்தியத்தேவன் கதாபாத்திரத்தின் புதிய லுக் போஸ்டர் வெளியாகி உள்ளது. 'அரசாங்கம் இல்லாத இளவரசன்' என்ற சொற்றொடருடன் படக்குழு இந்த போஸ்டரை வெளியிட்டுள்ளது.
இப்படத்தில் ஆதித்ய கரிகாலனாக விக்ரமும், வந்தியத்தேவனாக கார்த்தியும், ராஜ ராஜ சோழனாக ஜெயம் ரவியும் நடிக்கின்றனர். நந்தினியாக ஐஸ்வர்யா ராயும், குந்தவையாக த்ரிஷாவும் நடிக்கின்றனர்.
இந்த படத்தின் OTT ஸ்ட்ரீமிங் உரிமையை அமேசான் பிரைம் நிறுவனம் கைப்பற்றி உள்ளது.
Also Read | "சுடும் வெயிலில்".. பிரியா பவானி சங்கர் பகிர்ந்த இதுவரை காணாத செமயான 'யானை' பட கேரக்டர் STILLS!