தமிழ் சினிமாவின் மிக முக்கிய இயக்குனர்களில் ஒருவர் பா.ரஞ்சித். தமிழ் சினிமாவின் திசைவழிப்போக்கை மாற்றிய இயக்குனர்களின் பெயர்களை பட்டியலிட்டால் இவரின் பெயரை எவராலும் தவிர்க்க முடியாது.
Also Read | "Rocketry: The Nambi Effect" பணம் வாங்காமல் கேமியோ ரோலில் நடித்த சூர்யா-ஷாருக்கான்.. மனம் திறந்த மாதவன்!
இயக்குனர் வெங்கட்பிரபுவிடம் உதவி இயக்குனராக இருந்து “அட்டக்கத்தி” படத்தின் மூலம் தமிழ் சினிமாவில் அறிமுகமாகி, “மெட்ராஸ்” திரைப்படம் மூலம் அனைவரின் கவனத்தையும் ஈர்த்திருந்தார் இயக்குனர் பா.ரஞ்சித். “மெட்ராஸ்” படத்தை தொடர்ந்து சூப்பர்ஸ்டார் ரஜினிகாந்தை வைத்து தொடர்ச்சியாக கபாலி, காலா என இரண்டு படங்களை கொடுத்து இருந்தார். இதில் கபாலி திரைப்படம் மிகப்பெரிய அளவில் வசூலை வாரிக்குவித்தது.
இதற்கிடையே நீலம் புரொடக்சன்ஸ் எனும் பெயரில் தயாரிப்பு நிறுவனம் தொடங்கி பல குறும்படங்களையும், “பரியேறும் பெருமாள்”, “இரண்டாம் உலகப்போரின் கடைசி குண்டு”, சென்ற ஆண்டு கிறிஸ்துமசை முன்னிட்டு வெளியான 'ரைட்டர்' போன்ற படங்களையும் தயாரித்துள்ளார்.
தற்போது பா.இரஞ்சித் தயாரிப்பில் உருவாகும் பொம்மை நாயகி திரைப்படத்தில் யோகிபாபு கதாநாயகனாக நடிக்கிறார். அறிமுக இயக்குநர் ஷான் இயக்கும் இப்படத்தின் ஷூட்டிங் கடந்த ஜனவரி 2021 ஆம் ஆண்டு தொடங்கியது. இந்நிலையில் தற்போது படக்குழு பாண்டிசேரியில் ஒரு கட்ட படப்பிடிப்பை நிறைவுச் செய்துள்ளது என் தகவல்கள் தெரிவிக்கின்றன. இந்த படத்திற்கு சுந்தரமூர்த்தி இசையமைக்க, அதிசயராஜ் ஒளிப்பதிவு செய்கிறார். செல்வா எடிட்டிங்கை கவனிக்க, கலை இயக்குனராக ஜெய ரகு பணிபுரிகிறார்.
கடைசியாக நடிகர் ஆர்யாவை வைத்து இவர் இயக்கிய “சார்பட்டா பரம்பரை” திரைப்படம் ஜூலை 22ம் தேதி அமேசான் பிரைமில் வெளியானது. இந்த படத்தை தொடர்ந்து பா. ரஞ்சித் இயக்கத்தில் இரண்டு படங்கள் தயாராகின்றன.. “நட்சத்திரம் நகர்கிறது” என பெயரிடப்பட்டுள்ள படத்தை ஒரு காதல் Drama திரைப்படமாக ரஞ்சித் எடுத்துள்ளார். விரைவில் இந்த படம் வெளியாக உள்ளது. மேலும் சியான் விக்ரம் நடிப்பில் ஒரு படத்தையும் இயக்க உள்ளார்.
Also Read | தமிழில் ரிலீஸாகும் ரன்பீர் கபூர் நடிக்கும் PAN INDIA படம்.. வெளியான சூப்பர் போஸ்டர்ஸ்!