'ஒரு கிடாயின் கருணை மனு ' சத்திய சோதனை , போன்ற திரைப்படங்களின் இளம் இசையமைப்பாளர் ரகுராம் மரணம் அடைந்துள்ளார்.
விதார்த், ரவீனா ரவி மற்றும் பலர் நடிப்பில் சுரேஷ் செங்கையா இயக்கிய ஒரு கிடாயின் கருணை மனு திரைப்படம் முந்தைய வருடங்களில் நல்ல விமர்சனங்களை பெற்ற திரைப்படமாக திகழ்ந்தது.
இந்தத் திரைப்படம் உட்பட பல திரைப்படங்களில் இசையமைத்தவர் இளம் இசை அமைப்பாளர் ரகுராம். திரைப்படங்கள், ஆல்பம் பாடல்கள் உள்ளிட்டவற்றிற்கு இசையமைத்து வந்த ரகுராம் பெரும்பாலும் உடல்நிலை சரியில்லாமலேயே அனைத்து பணிகளையும் செய்து வந்திருக்கிறார்.
இசையமைப்பது மட்டுமின்றி மற்ற இசையமைப்பாளர்களுக்கும் புரோகிராம் செய்து வந்திருப்பதாகவும் இசையமைப்பாளர்கள் பலரும் குறிப்பிட்டு இருக்கின்றனர்.
இதனிடையே அண்மையில் இவருக்கு மஞ்சள் காமாலை ஏற்பட்டு அதற்காக சிகிச்சை பெற்று வந்தார். இதேபோல் காலில் இருந்த ஒரு பிரச்சனையால் நடக்க முடியாமல் அவதிப்பட்டதாகவும் தெரிகிறது.
இந்த நிலையில் தான் உடல்நல குறைவால் சென்னை வடபழனியில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டிருந்தார் ரகுராம்.
இந்நிலையில் இன்று காலை(29, அக்டோபர் 2022) சிகிச்சை பலனின்றி பரிதாபமாக உயிரிழந்தார். அவருடைய நண்பர்களும், இயக்குனர்களும், இசையமைப்பாளர்களும், பாடலாசிரியர்களும் ஏனைய திரையுலகினரும் அவருடைய மறைவு செய்தி கேட்டு அதிர்ச்சி அடைந்திருக்கின்றனர்.