நடிகை குஷ்பு & இயக்குனர் சுந்தர் சி தங்களது மகளின் பிறந்தநாளை வெகுவிமரிசையாக கொண்டாடிய புகைப்படங்கள் வெளியாகி உள்ளன.
Also Read | வசூலை வாரிக் குவிக்கும் 'வாரிசு'.. பிரிட்டனில் மட்டும் இத்தனை கோடி வசூலா? மாஸ்
தமிழ் சினிமாவில் 85-90களில் பிரபல நடிகையாக வலம் வந்தவர் நடிகை குஷ்பு . தமிழ் மட்டுமல்லாது இந்தி மற்றும் தென்னிந்திய மொழி படங்களில் நடித்தவர். குஷ்பு நடித்த வருஷம் 16, சின்னத்தம்பி, சிங்காரவேலன், பிரம்மா, நடிகன், ரிக்ஷா மாமா, அண்ணாமலை உள்ளிட்ட திரைப்படங்கள் சூப்பர் டூப்பர் ஹிட் அடித்தன.
ரஜினி, கமல், பிரபு, சத்யராஜ், கார்த்தி என பல முன்னணி நடிகர்களுடன் குஷ்பு நடித்துள்ளார். பின் குணசித்திர வேடங்களில் குஷ்பு நடித்து வந்தார். அவ்வப்போது அவனி நிறுவனம் மூலம் திரைப்படங்களையும் தயாரித்து வருகிறார்.
கடைசியாக இயக்குனர் சிவா இயக்கத்தில் சூப்பர் ஸ்டார் ரஜினிகாந்தின் நடிப்பில் அண்ணாத்த படத்தில் மீனா, நயன்தாரா, கீர்த்தி சுரேஷ், பிரகாஷ் ராஜ், சதீஷ் ஆகியோருடன் இணைந்து அங்கையற்கண்ணி என்ற முக்கிய கதாபாத்திரத்தில் குஷ்பு நடித்தார். விஜய்யின் வாரிசு படத்திலும் குஷ்பு நடித்திருந்தார்.
இயக்குனர் சுந்தர்.சியை 2000 ஆம் ஆண்டில் திருமணம் செய்து கோண்ட குஷ்புவுக்கு அவந்திகா, அனந்திதா என்ற இரு மகள்கள் உள்ளனர். இந்நிலையில் நடிகை குஷ்பு தமது மகள் அனந்திதாவின் 20 வது பிறந்தநாளை முன்னிட்டு இன்ஸ்டாகிராம் பக்கத்தில் பிறந்தநாள் கொண்டாட்ட புகைப்படங்களை பகிர்ந்து ஒரு பதிவை பதிவிட்டுள்ளார்.
அதில், "என் சின்னஞ்சிறு குட்டி வளர்ந்துவிட்டாள். இன்று 20 வது பிறந்தநாள்!! என் குட்டி பொம்மை 4 வாரங்களுக்கு முன்பே அவசரமாக இந்த உலகத்திற்கு வந்தவள். நீ எப்போதும் என் குட்டி பொம்மையாய் இருப்பாய். நீ என்னைப் பார்த்து சிரித்ததில் இருந்து நான் சிரிப்பதை நிறுத்தவில்லை.
உன் பெயரின் அர்த்தம் போல நீ உண்மையிலேயே எங்களுக்கு ஒரு தூய்மையான மகிழ்ச்சி. அம்மா & அப்பா உன்னை எப்போதும் நேசிக்கிறார்கள். நீ எப்பவும் எங்களுக்கு குட்டி பொம்மையாய் இருப்பாய். இனிய பிறந்தநாள் வாழ்த்துக்கள்!!" என குஷ்பு கூறியுள்ளார்.
Also Read | செமயான புது லுக்கில் ஏர்போர்ட்டை கலக்கிய நடிகர் அஜித்.. ரசிகர்களுடன் எடுத்த ஃபோட்டோஸ்!