நடிகர் விஜய் நடிப்பில் அடுத்ததாக 'லியோ' படம் தயாராகி வருகிறது. இந்த திரைப்படத்தை பிரபல இயக்குனர் லோகேஷ் கனகராஜ் இயக்கி வருகிறார். இவரது இயக்கத்தில் ஏற்கனவே மாஸ்டர் திரைப்படத்திலும் நடிகர் விஜய் நடித்திருந்தது குறிப்பிடத்தக்கது.
Images are subject to © copyright to their respective owners
மிகப்பெரிய எதிர்பார்ப்புக்கு மத்தியில் லியோ படம் தயாராகி வரும் சூழலில், இந்த திரைப்படத்தில் விஜய்யுடன் திரிஷா, சஞ்சய் தத், கௌதம் வாசுதேவ், பிரியா ஆனந்த், மிஷ்கின், அர்ஜுன், மன்சூர் அலிகான் உள்ளிட்ட ஏராளமான பிரபலங்களும் இந்த படத்தில் நடிக்கின்றனர்.
இந்த படத்தின் படப்பிடிப்பு கடந்த ஜனவரி 2 ஆம் தேதி துவங்கிய சூழலில் தற்போது காஷ்மீரில் இதன் படப்பிடிப்பு நடைபெற்று வருகிறது. முன்னதாக லியோ படத்தின் டைட்டில் Announcment வீடியோ வெளியாகி படத்தின் மீதான எதிர்பார்ப்பை பல மடங்கு அதிகரித்திருந்தது.
காஷ்மீரில் லியோ
லியோ படத்தை செவன் ஸ்கிரீன் ஸ்டுடியோ நிறுவனம் சார்பில் S .லலித்குமார் தயாரித்து வருகிறார். இந்த படத்தின் இணை தயாரிப்பாளராக ஜெகதீஷ் பழனிசாமி இணைந்துள்ளார். ராக்ஸ்டார் அனிருத், லியோ படத்திற்காக நான்காவது முறையாக தளபதி விஜய்யுடன் கைகோர்த்துள்ளார். இந்த படத்திற்கு மனோஜ் பரமஹம்சா ஒளிப்பதிவு செய்ய, படத்தொகுப்பை பிலோமின் ராஜூம், கலை இயக்குனராக N.சதீஷ்குமாரும், நடன இயக்கத்தை தினேஷ் மாஸ்டரும் மேற்கொள்கிறார்கள்.
Images are subject to © copyright to their respective owners
லியோ படத்தின் காஷ்மீர் படப்பிடிப்பில் இயக்குனர் மிஷ்கின் கலந்து கொண்டிருந்தார். அவரது காட்சிகள் படமாக்கப்பட்ட சூழலில் அவை சமீபத்தில் நிறைவு பெற்றிருந்தது. இது தொடர்பாக அறிக்கை ஒன்றையும் மிஷ்கின் வெளியிட்டிருந்த சூழலில், லியோ படத்தில் அவர் நடித்ததற்கு நன்றி சொல்லி இயக்குனர் லோகேஷ் ட்வீட் ஒன்றையும் பகிர்ந்திருந்தார்.
படப்பிடிப்பை முடித்த கெளதம் மேனன்
இந்த நிலையில், மற்றொரு பிரபல இயக்குனர், லியோ படத்தில் தனது காட்சிகளில் நடித்து நிறைவு செய்துள்ளது குறித்து நம்பத் தகுந்த வட்டாரங்களில் இருந்து நமக்கு பிரத்யேகமான தகவல் ஒன்று கிடைத்துள்ளது.
Images are subject to © copyright to their respective owners
இயக்குனர் கெளதம் வாசுதேவ் மேனன், லியோ படத்தில் முக்கிய கதாபாத்திரத்தில் நடித்து வருகிறார். காஷ்மீரில் லியோ படப்பிடிப்பு நடைபெற்று வரும் சூழலில், அங்கே நடிகர் விஜய், இயக்குனர் லோகேஷ் கனகராஜ் உள்ளிட்ட படக்குழுவினருடன் கெளதம் மேனன் இருக்கும் புகைப்படங்கள் வெளியாகி இருந்தது. அதே போல லியோ படக்குழுவுடன் தனது பிறந்தநாளையும் சமீபத்தில் கொண்டாடி இருந்தார் கெளதம் மேனன்.
விக்ரமின் துருவ நட்சத்திரம்
இந்த நிலையில், காஷ்மீரில் லியோ படத்திற்கான கெளதம் வாசுதேவ் மேனன் காட்சிகளின் ஷூட்டிங் நிறைவு பெற்றதாகவும் நம்பத் தகுந்த வட்டாரங்களில் இருந்து கிடைத்த தகவல் தெரிவிக்கின்றது. தொடர்ந்து லியோ படத்தின் படப்பிடிப்பை முடித்துள்ள கெளதம், சென்னை திரும்பி உள்ள சூழலில் அடுத்து தான் இயக்கி வரும் துருவ நட்சத்திரம் படத்தின் பணிகளுக்காக படத்தின் இசை அமைப்பாளர் ஹாரிஸ் ஜெயராஜுடன் இணைய உள்ளதாகவும் மேலும் தகவல்கள் கூறுகின்றது.
Images are subject to © copyright to their respective owners
துருவ நட்சத்திரம் திரைப்படத்தில் விக்ரம் முதன்மை கதாபாத்திரத்தில் நடிக்கிறார். அவருடன் ஐஸ்வர்யா ராஜேஷ், ரிது வர்மா, பார்த்திபன், சிம்ரன் உள்ளிட்ட பலரும் நடித்து வருவதும் குறிப்பிடத்தக்கது.