இயக்குநர் மிஷ்கினின் இளவயது புகைப்படம் தற்போது இணையத்தில் வைரல் ஆகி வருகிறது.
தமிழ் சினிமாவில் முன்னணி இயக்குநராக வலம் வருபவர் மிஷ்கின். தனது வித்தியாசமான கதைகள் மற்றும் மேக்கிங்கால் இவர் பிரபலமடைந்தார். இவர் இயக்கிய அஞ்சாதே, ஓநாயும் ஆட்டுக்குட்டியும், பிசாசு உள்ளிட்ட திரைப்படங்கள் ரசிகர்களை வெகுவாக கவர்ந்தது. அண்மையில் இவர் உதயநிதி, அதிதி ராவ், நித்யா மேனன் நடிப்பில் சைக்கோ திரைப்படத்தை இயக்கினார்.
இந்நிலையில் இன்று மிஷ்கின் தனது பிறந்தநாளை கொண்டாடுகிறார். இதனிடையே மிஷ்கினின் இளவயது புகைப்படம் தற்போது வைரல் ஆகி வருகிறது. தாடி, மீசை இல்லாமல், டி-ஷர்டில் செம கூலாக இருக்கும் மிஷ்கினின் இந்த போட்டோவை பார்த்து நெட்டிசன் ஆச்சர்யமடைந்து வருகின்றனர். மேலும் மிஷ்கின் அடுத்ததாக பிசாசு-2 படத்தை இயக்கவிருக்கும் அறிவிப்பும் வெளியாகி ரசிகர்களுக்கு மகிழ்ச்சியை கொடுத்துள்ளது. ஆண்ட்ரியா நடிக்கும் இத்திரைப்படத்திற்கு கார்த்திக் ராஜா இசையமைக்கவுள்ளது குறிப்பிடத்தக்கது. Rockfort Entertainment நிறுவனம் இப்படத்தை தயாரிக்கவுள்ளது.