பாலா இயக்கத்தில் உருவாகும் வணங்கான் படத்தில் நடிகர் அருண் விஜய் இணைந்துள்ளார் என தகவல்கள் தெரிவிக்கின்றன.
Images are subject to © copyright to their respective owners.
Also Read | LEO படத்தில் இணைந்த பிரபல மலையாள நடிகர்.. போட்டோவுடன் வெளிவந்த செம்ம அப்டேட்!
பாலாவும் சூர்யாவும் நந்தா & பிதாமகன் படத்திற்கு பிறகு மீண்டும் இணைந்து 'வணங்கான்' படத்தில் பணிபுரிவதறகான அறிவிப்பு கடந்தாண்டு வெளியானது. இந்த படத்தை சூர்யா ஜோதிகாவின் 2டி எண்டர்டெயின்மெண்ட் நிறுவனம் தயாரிக்கும் எனவும் அறிவிக்கப்பட்டது.
'நந்தா', 'பிதாமகன்' படங்களிலிருந்து முற்றிலும் மாறுபட்ட கதைக்களத்தில் பாலா உருவாக்கியிருக்கியுள்ள இப்படத்தில் சூர்யா ஏற்றுள்ள பாத்திரம் இதுவரை தமிழ் சினிமா காணாத ஒன்றாகும் என அதிகாரப்பூர்வமாக அறிவிக்கப்பட்டு இந்த படத்தின் படப்பிடிப்பு துவங்கியது.
Images are subject to © copyright to their respective owners.
இப்படத்திற்கு தமிழில் வணங்கான் என பெயரிடப்பட்டுள்ளது. தெலுங்கில் 'அச்சாலுடு' என பெயரிடப்பட்டது.
இப்படத்தின் ஒளிப்பதிவை பாலசுப்பிரமணியெம் மேற்கொள்ள, ஜி. வி. பிரகாஷ் இசையில், கலை இயக்குனராக மாயப்பாண்டியும், எடிட்டராக சதீஷ் சூர்யாவும் பணிபுரிகின்றனர் என்றும் அறிவிக்கப்பட்டது.
Images are subject to © copyright to their respective owners.
தெலுங்கு நடிகை கீர்த்தி ஷெட்டி, சூர்யாவுக்கு ஜோடியாக முதல் முறையாக தமிழ் சினிமாவில் இப்படத்தின் மூலம் காலடி எடுத்து வைக்கிறார் என்றும் அறிவிக்கப்பட்டது.
.
சில மாதங்களுக்கு முன் இயக்குனர் பாலா ஒரு அறிக்கையை வெளியிட்டு, " என் தம்பி சூர்யாவுடன் இணைந்து 'வணங்கான்' என்ற புதிய திரைப்படத்தை இயக்க விரும்பினேன். ஆனால், கதையில் நிகழ்ந்த சில மாற்றங்களினால், இந்தக் கதை சூர்யாவுக்கு உகந்ததாக இருக்குமா என்கிற ஐயம் தற்போது எனக்கு ஏற்பட்டுள்ளது.
Images are subject to © copyright to their respective owners.
என் மீதும் இந்தக் கதையின் மீதும் முழு நம்பிக்கையுடன் இருக்கிறார் சூர்யா. இவ்வளவு அன்பும் மதிப்பும் நம்பிக்கையும் வைத்திருக்கும் என் தம்பிக்கு, ஒரு அண்ணனாக என்னால் ஒரு சிறு தர்மசங்கடம்கூட நேர்ந்துவிடக் கூடாது என்பது என் கடமையாகவும் இருக்கிறது.
எனவே 'வணங்கான்' திரைப்படத்திலிருந்து சூர்யா விலகிக்கொள்வது என நாங்கள் இருவரும் கலந்து பேசி, ஒருமனதாக முடிவெடுத்திருக்கிறோம். அதில் அவருக்கு மிகவும் வருத்தம்தான் என்றாலும், அவரது நலன் கருதி எடுத்த முடிவு இது.
'நந்தா'வில் நான் பார்த்த சூர்யா, 'பிதாமகன்'-இல் நீங்கள் பார்த்த சூர்யா போல் வேறு ஒரு தருணத்தில் உறுதியாக இணைவோம். மற்றபடி 'வணங்கான்' படப்பணிகள் தொடரும்.." என இயக்குனர் பாலா வெளியிட்ட அறிக்கையில் கூறப்பட்டது. அதனைத்தொடர்ந்து நடிகர் சூர்யா & 2டி நிறுவனம் வணங்கான் படத்தில் இருந்து வெளியேறியது.
Images are subject to © copyright to their respective owners.
இது தொடர்பாக சூர்யாவின் 2டி நிறுவனம் வெளியிட்ட அறிக்கையில், "பாலா அண்ணாவின் உணர்வுகளுக்கும் முடிவுகளுக்கும் மதிப்பளித்து சூர்யா அவர்களும் #2DEntertainment நிறுவனமும் #வணங்கான்-ல் இருந்து விலகிக்கொள்கிறோம். எப்போதும் பாலா அண்ணா உடன் துணை நிற்போம்." என அறிக்கையில் கூறப்பட்டது.
இந்நிலையில் இயக்குனர் பாலா இயக்கத்தில் வணங்கான் படத்தின் படப்பிடிப்பு கன்னியாகுமரி மாவட்டத்தில் துவங்கி உள்ளது என நம்பத்தகுந்த வட்டாரங்களில் இருந்து வரும் தகவல்கள் தெரிவிக்கின்றன. மேலும் இந்த படத்தில் கதாநாயகனாக நடிகர் அருண் விஜய் நடிக்க இருப்பதாக தகவல்கள் கூறப்படுகிறது. இது தொடர்பாக சண்டைக் காட்சி இயக்குனர் சில்வா தமது இன்ஸ்டாகிராம் பக்கத்தில் ஒரு பதிவை பதிவிட்டுள்ளார். அதில் வணங்கான் படத்தின் படப்பிடிப்பு தளத்தில் இருந்து எடுக்கப்பட்ட புகைப்படத்தை பகிர்ந்துள்ளார்.
Also Read | 'விடுதலை'-க்கு பிறகு பிரதான கதாபாத்திரத்தில் சூரி.. வெளியான 'கொட்டுக்காளி' டீஸர் வீடியோ!