தீபிகா படுகோனின் தெலுங்கு அறிமுகமபடமான, தற்காலிகமாக பிரபாஸ் 21 என பெயரிடப்பட்டுள்ள ப்ரொஜெக்ட் கே படத்தின் படப்பிடிப்பு சில தினங்களுக்கு முன் ஐத்ராபாத்தில் துவங்கியுள்ளது.
தெலுங்கு நடிகர் பிரபாஸ் ‘பாகுபலி’ சீரிஸ் படங்களின் வெற்றிக்கு பிறகு பரந்த ரசிகர் பட்டாளத்தை பெற்றார். இவரின் அடுத்த படமான 'சாஹோ' விமர்சகர்கள் மற்றும் பார்வையாளர்களிடமிருந்து கலவையான விமர்சனங்களைப் பெற்றது. அதனால் பாகுபலி இயக்குனர் ராஜமௌலியின் அறிவுரைப்படி காதலை மையமாக வைத்து 350 கோடி ரூபாய் செலவில் ராதா கிருஷ்ணா குமார் இயக்கத்தில் 'ராதே ஷியாம்' படத்தில் நடிக்கிறார். இந்த படம் 1970களில் ஐரோப்பாவில் நடப்பது போல் வடிவமைக்கப்பட்டுள்ளது. வரும் 2022 பொங்கலுக்கு ராதே ஷ்யாம் வெளிவருகிறது.
பிரபாஸ் அடுத்து நான்கு பெரிய படங்களை அறிவித்த பிறகு பிரபாஸ் ரசிகர்களிடம் பெரும் உற்சாகம் ஏற்பட்டுள்ளது. ஆடிபுருஷ் மற்றும் கேஜிஎஃப் இயக்குனருடன் இணையும் சலார், சந்திப் ரெட்டி வாங்காவுடன் ஸ்பிரிட் படம் என வரிசையாக படங்களை வைத்துள்ளார். வைஜெயந்தி மூவீஸ் சார்பில் தயாரிப்பாளர் அஸ்வினி தத் தயாரிப்பில் தீபிகா படுகோன், அமிதாப் பச்சன், பிரபாஸ் நடிப்பில் நாக் அஸ்வின் இயக்கும் Project K படத்தின் முதல் கட்ட ஷீட்டிங் ஐதராபாத்தில் துவங்கி நடந்தது.
இதில் நடிகை தீபிகா படுகோன், பிரபாஸ் கலந்து கொண்டுள்ளனர். இந்த படத்தில் உலகின் மிகப்பெரிய கேமராவான ARRI RENTAL ALEXA 65 பயன்படுத்தப்படுகிறது என படக்குழு அறிவித்துள்ளது. இந்த வகை கேமராவில் தான் உலகப்புகழ் பெற்ற Cats (2019), Joker (2019) ...Solo: A Star Wars Story (2018) ...If Beale Street Could Talk (2018) ...Bohemian Rhapsody (2018) ...Live by Night (2016) ...War for the Planet of the Apes (2017) போன்ற படங்கள் எடுக்கப்பட்டுள்ளன.
ப்ராஜெக்ட் கே -ன் முதல் கட்ட படப்பிடிப்பை தீபிகா படுகோன் முடித்துள்ளார். தீபிகா படுகோனே இன்ஸ்டாகிராம் பக்கத்தில் இரண்டு ஸ்டோரிகளை வெளியிட்டார். ஒன்றில், அவர் படத்தின் நடிகர்கள் மற்றும் குழுவினருடன் கொண்டாட்டமான பல வகையான உணவைப் பகிர்ந்து கொண்ட புகைப்படத்தையும், மற்றொன்றில், விமானத்தில் இருந்து எடுக்கப்பட்ட வானத்தின் புகைப்படத்தையும் பகிர்ந்துள்ளார்.