சென்னை : விஜய் தொலைக்காட்சியில் தொடர்ந்து மூன்று சீசன்களாக வெற்றிநடை போட்டு வரும் நகைச்சுவை ரியாலிட்டி ஷோ குக் வித் கோமாளி. அதிலும் சீசன் 2 மிகப்பெரிய அளவில் வெற்றி பெற்றது. அந்த சீசனின் அஷ்வின், ஷிவாங்கி மற்றும் புகழ் ஆகிய மூவருக்கும் ஏராளமான ரசிகர்கள் சமூகவலைதளங்களில் உருவாகி அவர்களின் நகைச்சுவைக் காட்சிகள் அதிகள்வில் பகிரப்பட்டன.
குக் வித் கோமாளி டு சினிமா:
அந்த மூவரில் அஷ்வின் சினிமாவில் ஹீரோவாகிவிட்டார். ஷிவாங்கியும் சிவகார்த்திகேயனின் டான் சினிமா மூலமாக அறிமுகமாகிறார். அதுபோலவே புகழ் ஏற்கனவே பல படங்களில் கமிட்டாகி நடித்து வருகிறார். உச்ச நட்சத்திரமான் அஜித்தோடு அவர் நடித்த வலிமை படம் கடந்த சில நாட்களுக்கு முன்னர் வெளியாகி அவரது கதாபாத்திரத்துக்கு வரவேற்புக் கிடைத்தது. இந்நிலையில் இப்போது புகழ் விரைவில் ரிலீஸ் ஆகவுள்ள பெரிய நட்சத்திரங்களின் படங்களான எதற்கும் துணிந்தவன், யானை, டான் உள்ளிட்ட ஏராளமான படங்களில் நகைச்சுவை வேடங்களில் நடித்து வருகிறார்.
முன்னதாக சந்தானம் நடித்த சபாபதி திரைப்படத்தில் முக்கிய கதாபாத்திரத்தில் நடித்திருக்கிறார் புகழ். இதேபோல் குக் வித் கோமாளி நிகழ்ச்சியில் முந்தைய சீசனில் பிரபலமான போட்டியாளரான அஸ்வின் நடித்து, சமீபத்தில் வெளியான என்ன சொல்லப் போகிறாய் திரைப்படத்தில் புகழ் முக்கிய காமெடி கதாபாத்திரத்தில் நடித்திருந்தார்.
குக் வித் கோமாளி சீசன் 3- ல் புகழின் சர்ப்ரைஸ் விசிட்:
முன்னதாக குக் வித் கோமாளி சீசன் 3-ல் புகழ் முதலில் போட்டியாளராகக் கலந்துகொள்ளவில்லை. அதனால் ரசிகர்கள் பலரும் அவரை மிஸ் பண்ணுவதாக பேசப்பட்ட நிலையில் சர்ப்ரைஸாக தோன்றி ரசிகர்களுக்கு இன்ப அதிர்ச்சி கொடுத்தார். இதனிடையே பென்ஸ் ரியா எனும் பெண்ணை திருமணம் செய்துகொண்டார்.
குக் வித் கோமாளி 4
தற்போது 4 ஆவது குக் வித் கோமாளி சீசனும் ஆரம்பமாகி நல்ல வரவேற்பினை பெற்றுள்ளது.
குக் வித் கோமாளி 4 ஆவது சீசனில் மைம் கோபி, விசித்ரா, ஷெரின், ராஜ் ஐயப்பா, காளையன், கிஷோர் ராஜ்குமார், சிவாங்கி, ஸ்ருஷ்டி டாங்கே, விஜே விஷால், ஆண்ட்ரியா நவுரிகட் உள்ளிட்ட 10 பேர் போட்டியாளர்களாக களமிறங்கி உள்ளனர். இவர்களுடன் பழைய மற்றும் புதிய கோமாளிகளும் கோதாவில் இறங்கியுள்ளனர்.
புகழ் லேடி கெட்டப் :
இதில்தான் நடிகர் புகழ் சுமார் 3 வருடங்களுக்கு பிறகு லேடி கெட்டப் போட்டு எண்ட்ரி கொடுத்துள்ளார்.
முதலில் குஷ்புவின் நீ எங்கே என் அன்பே பாடலுக்கு சோகமாக நடனமாடி எக்ஸ்ப்ரஷன் கொடுத்த புகழ், பிறகு அரைச்ச சந்தனம் பாடலுக்கு அனைவருடனும் சேர்ந்து கலகலப்பாக நடனம் ஆடும் ப்ரோமோ வெளியாகியுள்ளது. இந்நிகழ்ச்சி சனிக்கிழமை இரவு 9 மணிக்கு விஜய் டிவியில் ஒளிபரப்பாகிறது.