குக் வித் கோமாளி மூலம் புகழ் மற்றும் ஷிவாங்கி இருவரும் பிரபலமாகினர்.
வழக்கமாக டிவி சீரியல் பார்க்காதவர்கள் கூட குக் வித் கோமாளி ஷோவை விரும்பிப் பார்க்கின்றனர். ஐந்த ஷோவில் அனைவருக்கும் பிடித்தமான அண்ணன் தங்கையாக இவர்கள் அடிக்கும் லூட்டியும் செய்யும் கலகலப்பான அட்ராசிட்டியும் எப்போதும் ரசிகர்களால் பெரிதும் விரும்பிப் பார்க்கப்படுகின்றன.
இதேபோல் சிறப்பு விருந்தினர்கள் கூட இந்த ஷோவுக்கு வருவதில் ஆர்வம் காட்டுவதை அண்மையில் இந்த ஷோ பற்றி சிவகார்த்திகேயன் பேசியதில் இருந்து அறிய முடிகிறது. இந்த ஷோவை தொடர்ந்து பார்ப்பதாக குறிப்பிட்டிருந்தார். போட்டியாளர்களும் இந்த ஷோவில் இருந்து எலிமினேட் ஆனால் மிகவும் மிஸ் செய்வதாக உணர்கின்றனர்.
அதற்குக் காரணம் இங்கு நிலவும் செம்ம கலாட்டாவான குட்டி குட்டி தருணங்கள் தான். அதுமட்டுமல்லாமல் இந்த டீம், முந்தைய குக் வித் கோமாளி போட்டியாளர்களுடனும், விஜய் டிவியில் நடக்கும் வேறு நிகழ்ச்சியின் பங்கேற்பாளர்களுடனும் கூட கலந்து செலிபிரேஷன்களை செய்து கொண்டாடும் விதத்தில் இந்த குக் வித் கோமாளி டீம் கவனம் ஈர்க்கின்றனர்.
அந்த வகையில் அண்மையில் சூப்பர் சிங்கரில் டைட்டில் வின்னரானதின் மூலம் புகழ்பெற்ற பாடகர் மூக்குத்தி முருகனுக்கு குக் வித் கோமாளி சிவாங்கி மற்றும் புகழ் உள்ளிட்டோர் கேக் வெட்டி பிறந்த நாள் கொண்டாடி, கலாட்டா செய்து அவரது இந்த பிறந்த நாளை மறக்க முடியாத நிகழ்வாய் மாற்றி அவரை நெகிழவைத்துவிட்டனர்.