சன் டிவியில் ஒளிபரப்பாகி வரும் புதிய தொடர் சுந்தரி. இந்தத் தொடரில் நாயகியாக நடித்து வருபவர் கேப்ரியல்லா. கருமை நிறம் என்பது எதற்கும் ஒரு தடையில்லை என்பதை நிரூபிக்கும் வகையில் அடுத்தடுத்து முன்னேறிவரும் கேப்ரியல்லா தற்போது இசைப்புயல் ஏ.ஆர்.ரஹ்மானுடன் இருக்கும் புகைப்படம் ஒன்று அவருடைய ரசிகர்களிடையே பரவி பாராட்டுக்களும் வாழ்த்துக்களும் பெற்று வருகிறது.
இதற்கு காரணம் ஏ.ஆர்.ரஹ்மானின் முயற்சியில் உருவாகும் புதிய தனிப் பாடல் ஒன்றில் கேப்ரியல்லா இணைந்திருப்பதுதான். ஆம், மூப்பில்லா தமிழே தாயே என்கிற தனிப்பாடலை ஏ.ஆர்.ரஹ்மான் உருவாக்கியுள்ளார். இந்த பாடலை தனி இசைக் கலைஞர்களுக்காக தாம் தொடங்கியுள்ள மாஜா எனும் இசை தளத்துக்கான புரோமோஷனுக்காக ரஹ்மான் உருவாகியுள்ளார்.
இசை உலகில் மிகப் பெரிய அதிர்வை ஏற்படுத்தி வருகிறது மாஜா தளம். இதன் கீழ் தான் தற்போது பிரபலமாக உள்ள என்ஜாயி எஞ்சாமி பாடல் வெளியிடப்பட்டது. இந்த தளத்தை மென்மேலும் கொண்டு சேர்க்கும் விதமாக மூப்பில்லா தமிழே தாயே என்கிற தனிப்பாடலுக்கு ஏ.ஆர்.ரஹ்மான் இசையமைத்து பாடி இருக்கிறார். இந்த பாடலின் வரிகளை தாமரை எழுதியிருக்கிறார். இதில் தான் சுந்தரி சீரியல் பிரபல நடிகை கேப்ரியல்லா இணைந்திருக்கிறார்.
இந்நிலையில் தான் ஏ.ஆர்.ரஹ்மான் தமது இன்ஸ்டாகிராமில் கேப்ரில்லாவுடனான புகைப்படத்தை பதிவிட்டு மூப்பில்லா தமிழே தாயேவில் கேப்ரியல்லாவின் பகுதி நிறைவடைந்ததுக்கு பிறகு எடுக்கப்பட்ட புகைப்படம் என்று பதிவிட்டிருக்கிறார். அண்மையில்தான் ஏ.ஆர்.ரஹ்மான், 99 ஸாங்ஸ் என்கிற திரைப்படத்துக்கு இசை அமைத்திருந்தார். இந்த படத்தை ஏ.ஆர்.ரஹ்மான் கதை எழுதி தயாரித்து இருந்தார் என்பதும் குறிப்பிடத்தக்கது.
ALSO READ: VJ சித்து பிறந்த நாளில் அவரது தந்தை செய்த கண்கலங்க வைக்கும் காரியம்!