'ஆல வைகுந்த புரம்லூ' (2020) படத்தின் மாபெரும் வெற்றிக்குப் பிறகு, அல்லு அர்ஜுன் நடிப்பில் சுகுமாரின் இயக்கத்தில் வெளி வரவிருக்கும் திரைப்படம் 'புஷ்பா'.
மைத்ரி மூவி மேக்கர்ஸ் தயாரித்துள்ள 'புஷ்பா' படத்தில் அல்லு அர்ஜுன், ராஷ்மிகா மந்தனா, ஜெகபதி பாபு, பிரகாஷ் ராஜ், தனஞ்சய், சுனில், ஹரிஷ் உத்தமன், வென்னேலா கிஷோர் மற்றும் அனசூயா பரத்வாஜ் ஆகியோர் முக்கிய கதாபாத்திரங்களில் நடித்துள்ளனர். மலையாள நடிகர் ஃபஹத் ஃபாசிலும் ஒரு முக்கிய கதாபாத்திரத்தில் நடிக்கிறார்.
தேவி ஸ்ரீ பிரசாத் இசையில் படத்தின் முதல் சிங்கிள் ஆகஸ்ட் 13 அன்று வெளியாகிறது என ஏற்கனவே அறிவிக்கப்பட்டுள்ளது.
பான்-இந்தியன் திரைப்படமான 'புஷ்பா' இந்த ஆண்டின் மிகவும் எதிர்பார்க்கப்பட்ட தெலுங்கு திரைப்படங்களில் ஒன்றாகும். செம்மரக்கடத்தலை மையமாக வைத்து இந்த திரைப்படம் இரண்டு பாகங்களாக உருவாகிறது.
இப்போது, தயாரிப்பாளர்கள் தங்கள் சமூக ஊடகங்களில் அதிகாரப்பூர்வமாக படத்தின் ரிலீஸ் தேதியை அறிவித்துள்ளனர். அதன் படி முதல் பாகமான புஷ்பா தி ரைஸ் வருகிற கிறிஸ்துமஸ் பண்டிகைக்கு (25.12.2021) வெளியாகிறது.