இயக்குனர் ஐஸ்வர்யா ரஜினிகாந்த், லால் சலாம் படத்தின் படப்பிடிப்பு தள புகைப்படங்களையும், தமது உடற்பயிற்சி புகைப்படங்களையும் வெளியிட்டுள்ளார்.
நடிகர் சூப்பர் ஸ்டார் ரஜினிகாந்த்தின் மகளும் தமிழ் சினிமாவின் பிரபல இயக்குனருமான ஐஸ்வர்யா ரஜினிகாந்த், தனுஷ் நடிப்பில் '3', கௌதம் கார்த்திக் நடிப்பில் 'வை ராஜா வை' உள்ளிட்ட திரைப்படங்களை இயக்கியவர்.
ஐஸ்வர்யா ரஜினிகாந்த் இயக்கிய முசாபிர் ஆல்பம் சமீபத்தில் வெளியானதும் குறிப்பிடத்தக்கது. ஐஸ்வர்யா ரஜினிகாந்த், தற்போது லால் சலாம் படத்தினை இயக்கி வருகிறார்.
இந்த படத்தில் சூப்பர் ஸ்டார் ரஜினிகாந்த் கேமியோ பாத்திரத்தில் நடிக்க உள்ளார். மேலும் இந்த படத்தில் கதாநாயகனாக நடிகர் விஷ்ணு விஷால் & விக்ராந்த் நடிக்கிறார்கள். இந்த படத்திற்கு ஏ. ஆர். ரஹ்மான் இசையமைக்கிறார். லைகா நிறுவனம் இந்த படத்தை தயாரிக்கிறது.