தாய்லாந்து கடற்கரையில் கீர்த்தி சுரேஷ்.. ரசிகர்கள் மத்தியில் வைரலாகும் டூர் போட்டோஸ்!

பிரபல தென்னிந்திய நடிகை மேனகா & சினிமா தயாரிப்பாளர் & இயக்குனர் தொழிலதிபர் சுரேஷ்குமார் ஆகியோரின் இளைய மகள் தான் கீர்த்தி சுரேஷ். சமூக வலைத்தளங்களில் ஆக்டிவாக இருக்கும் நடிகைகளில் ஒருவராக கீர்த்தி சுரேஷ் உள்ளார். இவரின் பதிவுகளுக்கு மிகப்பெரிய ரசிகர்கள் பட்டாளம் உண்டு.

தற்போது நடிகை கீர்த்தி சுரேஷ், தனது இன்ஸ்டாகிராம் பக்கத்தில் 14 மில்லியன் ரசிகர்களை பெற்று சாதனை படைத்துள்ளார்.  1.4 கோடி இன்ஸ்டாகிராம் கணக்கு உடைய ரசிகர்கள் தற்போது கீர்த்தி சுரேஷை இன்ஸ்டாகிராமில் பின் தொடர்கிறார்கள்.

தமிழில் இயக்குனர் ஏ.எல். விஜய் இயக்கத்தில் வெளிவந்த 'இது என்ன மாயம்' படத்தின் மூலம் கீர்த்தி சுரேஷ்  அறிமுகமானார். தெலுங்கில் 'மகாநடி' என்றும் தமிழில் ‘நடிகையர் திலகம்’ என்று வெளியான படத்திற்காக இந்திய அரசின் உயரிய விருதான தேசிய விருதை பெற்றார்.

சமீபத்தில் மரக்காயர், அண்ணாத்த,சர்காரு வாரி பட்டா, சாணிகாயிதம், வாஷி  படங்களில் நடித்து இருந்தார். கீர்த்தி சுரேஷ் தற்போது மாமன்னன், தசரா, போலோ ஷங்கர், உள்ளிட்ட படங்களின் ரிலீசுக்கு காத்திருக்கிறார். சமீபத்தில் ஜெயம் ரவியுடன் நடிக்கும் சைரன் படத்தில் இணைந்துள்ளார்.

இந்நிலையில் கீர்த்தி சுரேஷ் தாய்லாந்து நாட்டில் சுற்றுப்பயணம் மேற்கொண்டு வருகிறார். இன்ஸ்டாகிராம் பக்கத்தில் தாய்லாந்து நாட்டின் பேங்காக் நகரில் சுற்றுலா சென்ற புகைப்படங்களை வெளியிட்டு இருந்தார். நீண்ட நாட்களுக்கு பிறகு பேங்காக் வந்துள்ளதாகவும் கீர்த்தி சுரேஷ் கூறியிருந்தார்.

தற்போது கீர்த்தி சுரேஷ், கோ சமுய் தீவில் இருந்து புதிய சுற்றுலா புகைப்படங்களை இன்ஸ்டாகிராமில் பகிர்ந்துள்ளார். சூரிய அஸ்தமனத்தையும், கடற்கரையில் இருக்கும் புகைப்படங்களையும் கீர்த்தி சுரேஷ் பகிர்ந்துள்ளார்.