லியோ படம் குறித்த கேள்விகளுக்கு நடிகர் மேத்யூ தாமஸ் பதில் அளித்துள்ளார்.
நடிகர் விஜய் நடிக்கும் 'லியோ' படத்தினை லோகேஷ் கனகராஜ் இயக்குகிறார். இந்த படம் தொடர்பான அதிகாரப்பூர்வ அறிவிப்பு சில நாட்களுக்கு முன் வெளியானது. S.லலித்குமார் தயாரிப்பில் உருவாகும் இந்த படத்தில் இணை தயாரிப்பாளராக ஜெகதீஷ் பழனிசாமி இணைந்துள்ளார்.
இந்த படத்தின் படப்பிடிப்பு கடந்த ஜனவரி 2ஆம் தேதி துவங்கியது. காஷ்மீரில் இந்த படத்தின் படப்பிடிப்பு தற்போது முழுவீச்சில் நடைபெற்று வருகிறது. இந்த படத்தின் ஒளிப்பதிவாளராக மனோஜ் பரமஹம்சா பணிபுரிகிறார். இசையமைப்பாளராக அனிருத் ரவிச்சந்திரன் பணிபுரிகிறார்.
இந்த படத்தின் படத்தொகுப்பை பிலோமின் ராஜூம், கலை இயக்குனராக N.சதீஷ்குமாரும், நடன இயக்கத்தை தினேஷ் மாஸ்டரும் மேற்கொள்கிறார்கள். இந்த படத்தின் வசனங்களை இயக்குனர் லோகேஷ் கனகராஜ், இயக்குனர் ரத்னகுமார் மற்றும் தீரஜ் வைத்தி ஆகியோர் இணைந்து எழுதியுள்ளனர். சண்டை காட்சிகளை அன்பறிவ் மாஸ்டர்கள் இயக்க உள்ளனர். நிர்வாக தயாரிப்பாளராக ராம்குமார் பாலசுப்பிரமணியன் பொறுப்பேற்றுள்ளார்.
லியோ படத்தின் ஆடியோ உரிமத்தை பிரபல சோனி மியூசிக் நிறுவனம் கைப்பற்றியுள்ளது. சேட்டிலைட் டிவி ஒளிபரப்பு உரிமத்தை சன் டிவியும், ஓடிடி உரிமத்தை பிரபல நெட்பிளிக்ஸ் நிறுவனமும் கைப்பற்றி உள்ளது. இந்த படத்தில் நடிகர் விஜய்யுடன் த்ரிஷா, பிரியா ஆனந்த், சஞ்சய் தத், மிஷ்கின், கௌதம் வாசுதேவ் மேனன், மேத்யூ தாமஸ், மன்சூர் அலிகான், அர்ஜூன் ஆகியோர் நடிக்கின்றனர்.
இந்த படம் வரும் அக்டோபர் மாதம் 19 ஆம் தேதி திரையரங்குகளில் லியோ படம் வெளியாக உள்ளது. ஆயுதபூஜை, சரஸ்வதி பூஜையை முன்னிட்டு இந்த படம் தமிழ், கன்னடம், தெலுங்கு, இந்தி ஆகிய மொழிகளில் வெளியாகிறது.
இந்நிலையில் நமது பிஹைண்ட்வுட்ஸ் சேனலுக்கு பிரத்யேக பேட்டி ஒன்றை நடிகர் மேத்யூ தாமஸ் அளித்துள்ளார். பேட்டியில் லியோ படம் குறித்த கேள்விகளுக்கு மேத்யூ தாமஸ் பதில் அளித்துள்ளார். குறிப்பாக "பல ரசிகர்கள் லியோ & LCU குறித்து பல கருத்துகளை தெரிவித்து வருகிறார்கள். லியோ திரைப்படம், LCU எனப்படும் லோகேஷ் சினிமாட்டிக் யுனிவெர்ஸூக்குள் வருமா?" என்ற கேள்விக்கு, "எனக்கு அது பற்றி எதுவும் தெரியாது". என மேத்யூ தாமஸ் சிரித்துக் கொண்டே பதில் கூறினார்.
"லியோ படத்திற்கு எத்தனை நாட்கள் கால்சீட் கொடுத்துள்ளீர்கள்?" என்ற கேள்விக்கு பதில் அளித்த மேத்யூ தாமஸ், "லியோ படத்தில் ஒரு கதாபாத்திரத்தில் நடிக்கிறேன். இதற்கு மேல் படம் குறித்து எதுவும் சொல்ல கூடாது.கொஞ்சம் பொறுத்திருந்து பாருங்கள்" என மேத்யூ தாமஸ் பதில் அளித்துள்ளார்.