நடிகர் கருணாஸ் மருத்துவமனையில் இருந்து வெளியிட்ட ரீசன்ட் வீடியோ.. உடல்நிலை பற்றி தகவல்.

தமிழ் சினிமாவில் காமெடி நடிகராக அறிமுகமானவர் கருணாஸ். நந்தா, திருடா திருடி, பிதாமகன் உள்ளிட்ட படங்களில் தனது காமெடியால் இவர் ரசிகர்களை கவர்ந்தார். மேலும் இவர் ஹீரோவாகவும் சில படங்களில் நடித்தார். இதை தொடர்ந்து 2016-ஆம் ஆண்டு நடந்த சட்டமன்ற தேர்தலில் வெற்றிப்பெற்று இவர் எம்.எல்.ஏவாக ஆனார். 

இந்நிலையில் நடிகர் கருணாஸுக்கு கொரோனா வைரஸ் தொற்று உறுதி செய்யப்பட்டிருப்பதாக கடந்த 6-ஆம் தகவல் வெளியானது. இந்நிலையில் அவர் தற்போது மருத்துவமனையில் இருந்தபடி ஒரு வீடியோவை இன்ஸ்டாகிராமில் வெளியிட்டுள்ளார். அதில் அவர் கூறியதாவது, ''கொரோனா வைரஸ் பாசிட்டீவ் என வந்த பிறகு, சென்னை அரசு மருத்துவமனையில் அனுமதிக்கப்பட்ட எனது உடல்நிலை இப்போது கொஞ்சம் கொஞ்சமாக முன்னேறி வருகிறது. அரசாங்க பிரதிநிதி என்கிற முறையில் நான் அரசு மருத்துவமனையை தேர்ந்தெடுத்தேன். இங்கு எனக்கு சிறப்பான மருத்துவம் வழங்கப்படுகிறது. இந்த நேரத்தில் முதலமைச்சர், சுகாதாரத் துறை அமைச்சர், எனது தொகுதி மக்கள் உள்ளிட்ட அனைவருக்கும் எனது நன்றியை தெரிவித்து கொள்கிறேன்'' என அவர் தெரிவித்துள்ளார்.