சமீபத்தில் நடிகர் அமிதாப் பச்சன், அவரது மகன் அபிஷேக் பச்சன், நடிகை ஐஸ்வர்யா ராய், மகள் ஆராத்யா ஆகிய ஒரே குடும்பத்தை சேர்ந்த 4 பேருக்கும் கொரோனா பாதிப்பு உறுதி செய்யப்பட்டது நாடு முழுவதும் பெரும் பரபரப்பை ஏற்படுத்தியது.
தொடர்ந்து 4 பேரும் மருத்துவமனையில் அனுமதிக்கப்பட்டு சிகிச்சை பெற்று வருகின்றனர். இந்நிலையில் அபிஷேக் பச்சன் தற்போது ட்விட்டர் பக்கத்தில் அவர்களது தற்போதைய நிலைமை குறித்து தகவல் ஒன்றை பகிர்ந்துள்ளார்.
அதில், ''தொடர்ந்து உங்களின் வேண்டுதல்களுக்கும் வாழ்த்துகளுக்கும் நன்றி . ஐஸ்வர்யா ஆராத்யாவும் கொரோனாவில் இருந்து மீண்டுள்ளனர். அவர்கள் மருத்துவமனையில் இருந்து டிஸ்சார்ஜ் செய்யப்பட்டுள்ளனர். அவர்கள் தற்போது வீட்டில் இருக்கிறார்கள். நானும் எனது அப்பாவும் மருத்துவமனையில் சிகிச்சை பெற்று வருகிறோம்'' என்று குறிப்பிட்டுள்ளார்.