'கொரோனாவ விடுங்க... எல்லாரும் அடுத்த ஷிஃப்ட்டுக்கு ரெடியாகுங்க!'.. உலக சுகாதார நிறுவனம் 'அதிரடி' அறிவிப்பு!.. இனி நாம் செய்ய வேண்டியது 'இது' தான்!

கொரோனா வைரஸை தோற்கடிக்க முடியும் என்றும் உலகம் அடுத்த தொற்றுநோய்க்கு தயாராக வேண்டும் என உலக சுகாதார அமைப்பு தெரிவித்து உள்ளது.

உலகத்தை ஆச்சரியத்தில் ஆழ்த்திய கொரோனா போன்ற எதிர்கால அவசரநிலைகளை கவனித்துக்கொள்வதற்கான ஒரு வரைவு தீர்மானத்தை உலக சுகாதார சபை (WHA) பரிசீலித்து வருகிறது.

இந்த வரைவு சுகாதார அவசர நிலைகளுக்கான ஆயத்தத்தை வலுப்படுத்தும் மற்றும் சர்வதேச சுகாதார விதிமுறைகளுக்கு (2005) இணக்கமாக இருக்கும் என்று உலக சுகாதார அமைப்பு கோடிட்டுக் காட்டியுள்ளது.

மேலும் சுகாதார அமைப்பு கூறும் போது,

இது உலகளாவிய நெருக்கடி என்றாலும், பல நாடுகளும் நகரங்களும் ஒரு விரிவான, ஆதார அடிப்படையிலான அணுகுமுறையுடன் வெற்றிகரமாக பரவுவதைத் தடுக்கின்றன அல்லது கட்டுப்படுத்தியுள்ளன.

நமக்குத் தேவையான தடுப்பூசிகள், நோயறிதல்கள் மற்றும் சிகிச்சை முறைகளின் வளர்ச்சியை விரைவுபடுத்துவதற்கும், அவை அனைத்து நாடுகளுக்கும் சமத்துவத்தின் அடிப்படையில் கிடைப்பதை உறுதி செய்வதற்கும் ஒரு திட்டத்தின் பின்னால் உலகம் முதன்முறையாக அணி திரண்டுள்ளது.

அடுத்த தொற்றுநோய்க்கு உலகம் இப்போது தயாராக வேண்டும். இது தொடர்பாக உலக சுகாதார சபை சர்வதேச சுகாதார விதிமுறைகளுடன் (2005) மிகவும் வலுவான இணக்கத்தின் மூலம்கொரோனா போன்ற சுகாதார அவசர நிலைகளுக்கான தயார் நிலையை வலுப்படுத்தும் ஒரு வரைவு தீர்மானத்தை பரிசீலிக்கும்.

இந்த தீர்மானம் உலகளாவிய சுகாதார சமூகத்தை கொரோனா மற்றும் பிற ஆபத்தான தொற்று நோய்களைக் கண்டறிந்து சிகிச்சையளிக்க அனைத்து நாடுகளும் சிறந்த முறையில் இருப்பதை உறுதி செய்யுமாறு கோருகிறது.