ட்ரம்ப் மீதான ட்விட்டரின் தடை நீக்கம் பெறுமா? ”… அதிரடியாக அறிவித்த எலான் மஸ்க்

எலான் மஸ்க் சமீபத்தில் கலந்துகொண்ட ஒரு நிகழ்வில் ட்ரம்ப் மீதான டிவிட்டர் தடை பற்றி பேசியுள்ளார்.

Also Read | “எனக்கு இப்படி எல்லாம் நடந்தே இல்ல… டக் அவுட் ஆகிவிட்டு சிரித்தது ஏன்?” …. கோலி சொன்ன கூல் பதில்!

ட்ரம்ப்பை தடை செய்த டிவிட்டர்…

அமெரிக்காவில் நடந்து முடிந்த அதிபர் தேர்தலில் ஜோ பைடன் வெற்றிபெற்று அமெரிக்க அதிபரானார். சமூக வலைதளங்களில் கலவரத்தைத் தூண்டும் வகையில் அவதூறாகக் கருத்துகள் பதிவிட்டு வந்ததால் ட்விட்டர் நிறுவனம் டொனால்டு டிரம்பின் ட்விட்டர் கணக்கை நிரந்தரமாக முடக்கியது. அதேபோன்று ஃபேஸ்புக் மற்றும் கூகுளின் யூடியூபிலிருந்தும் அவரது கணக்குகள் முடக்கப்பட்டன. கூகுள் நிறுவனம் காலவரையற்ற தடை விதித்தது.  ஃபேஸ்புக் நிறுவனம் இரண்டரை ஆண்டுகள் தடை விதித்தது குறிப்பிடத்தக்கது. இந்த முடிவுகளுக்கு ஆதரவும் எதிர்ப்புகளும் ஒரு சேர எழுந்தன.

இதையடுத்து ட்ரம்ப் புதிதாக சமூக வலைதளம் ஒன்று தொடங்கவுள்ளதாக செய்திகள் வெளியாகின. டிரம்ப் மீடியா அண்ட் டெக்னாலஜி க்ரூப் (Trump Media & Technology Group TMTG) என்ற நிறுவனம் சார்பில் ட்ரூத் சோஷியல் என்ற சமூக வலைத்தளத்தை தொடங்க உள்ளதாக அறிவித்திருந்தார் ட்ரம்ப். இந்நிலையில் இப்போது டிவிட்டரில் அவரின் நிரந்தர தடையை நீக்கத் தயாராக இருப்பதாக எலான் மஸ்க் அறிவித்துள்ளார்.

டிவிட்டரை வாங்கிய எலான் மஸ்க்…

அமெரிக்காவைச் சேர்ந்த எலான் மஸ்க் விண்வெளி ஆய்வு நிறுவனமான ஸ்பேஸ் எக்ஸ், முன்னணி எலக்ட்ரிக் வாகன தயாரிப்பு நிறுவனமான டெஸ்லா ஆகியவற்றை நடத்தி வருகிறார். போர்ப்ஸ் இதழ் வெளியிட்ட உலக பணக்காரர்களின் பட்டியலில் எலான் மஸ்க் முதலிடத்தில் இருக்கிறார். இவருடைய சொத்து மதிப்பு 265 பில்லியன் அமெரிக்க டாலர்கள் ஆகும்.  ட்விட்டர் உள்ளிட்ட சமூக வலைதளங்களில் துடிப்புடன் இயங்கிவரும் இவர் சமீபத்தில்  ட்விட்டர்  நிறுவனத்தின் 9.2 சதவீத பங்குகளை வாங்கி இருந்தார். பின்னர் அந்த நிறுவனத்தின் மொத்த பங்குகளையும் வாங்க இருப்பதாக அறிவித்திருந்த வேளையில் 44 பில்லியன் அமெரிக்க டாலர்களுக்கு அந்த நிறுவனத்தை முழுவதுமாக வாங்கியுள்ளார் மஸ்க். எலான் மஸ்க் கைக்கு டிவிட்டர் விரைவில் செல்ல உள்ள நிலையில் அதில் பல மாற்றங்களை செய்வார் என எதிர்பார்க்கப்படுகிறது.

ட்ரம்ப் தடை பற்றி மஸ்க்…

சமீபத்தில் ஒரு நிகழ்வில் கலந்துகொண்ட எலான் மஸ்க் ட்ரம்ப் மீதான டிவிட்டரின் நிரந்தர தடையை "தார்மீக ரீதியாக தவறான முடிவு" என்றும்  முட்டாள்தனமான முடிவு என்றும் குறிப்பிட்டுள்ளார்.  மேலும் "நிரந்தர தடை முடிவு ஒரு தவறு என்று நினைக்கிறேன், ஏனெனில் இது நாட்டின் பெரும்பகுதியை அந்நியப்படுத்தியது மேலும் அது டொனால்ட் டிரம்ப் தரப்பை கருத்தைக் கேட்க முடியாத சூழலை உருவாக்கியுள்ளது. எனவே, எல்லோரும் விவாதிக்கக் கூடிய  ஒரு இடத்தில் மோசமான முடிவாக அமைந்துள்ளது. என்னைக் கேட்டால் டிரம்ப் மீதான நிரந்தரத் தடையை நான் மாற்றுவேன் என்றே நினைக்கிறேன்." எனக் கூறியுள்ளார். மஸ்க்கின் இந்த முடிவு விவாதங்களை உருவாக்கியுள்ளது.

8 ஆவது Behindwoods Gold Medals விருதுகள் இந்த ஆண்டு சென்னை தீவுத்திடலில் உள்ள island மைதானத்தில் மே 15 மற்றும் 22 ஆகிய தேதிகளில் மாலை 6 மணி முதல் இரவு 11.30 மணி வரை நடக்க உள்ளது. இதற்கான டிக்கெட் முன்பதிவு தற்போது தொடங்கியுள்ளது.
நிகழ்ச்சி டிக்கெட் முன் பதிவு செய்யும் லிங்க். https://behindwoods.com/bgm8