கொரோனாவால் பாதிக்கப்பட்டவரது 'உடலில்' நோயெதிர்ப்பு சக்தி... எத்தனை 'நாட்கள்' இருக்கும்?

கொரோனாவால் பாதிக்கப்பட்ட ஒருவரது உடலில் நோயெதிர்ப்பு சக்தி எத்தனை நாட்கள் இருக்கும் என்பது குறித்த புதிய தகவல் வெளியாகி இருக்கிறது. இதுகுறித்து லண்டனை சேர்ந்த கிங்ஸ் என்னும் கல்லூரி சார்பில் ஆய்வொன்று நடத்தப்பட்டது.

இதில் கொரோனாவில் இருந்து குணமடைந்து 3 வாரங்கள் வரை மட்டுமே நோயெதிர்ப்பு சக்தி அதிக திறனுடன் இருப்பது கண்டறியப்பட்டது. அதன் பின்னர் நோயெதிர்புய சக்தி வேகம் குறைந்தது. 60% நோயாளிகளுக்கு வலிமையான நோய் எதிர்ப்பு சக்தி இருந்தபோதிலும், 17% நோயாளிகளுக்கு மட்டுமே 3 மாதங்கள்வரை நோய் எதிர்ப்பு சக்தி நீடித்தது.

3 மாத காலத்தில் நிறைய பேருக்கு நோய் எதிர்ப்பு சக்தி 23 மடங்கு குறைந்துவிட்டது. சிலருக்கு முற்றிலுமாக போய்விட்டது. இப்படி குணமடைந்தவர்களுக்கு பருவநிலை மாற்றத்தின்போது, மீண்டும் கொரோனா தாக்க வாய்ப்புள்ளது என கூறப்படுகிறது.