கடைசியா 'இந்த தொகுதியில' திமுக ஜெயிச்சு 25 வருஷம் ஆச்சு...! - முதல் வெற்றியை பதிவு செய்த திமுக வேட்பாளர்...!

தன்னுடைய முதல் வெற்றி வேட்பாளரை தூத்துக்குடி மாவட்டம் விளாத்திகுளம் தொகுதியில் பெற்றுள்ளது திமுக கட்சி.

காலையில் இருந்து நடைபெற்று வந்த சட்டமன்ற தேர்தல் வாக்கு எண்ணிக்கையில் தூத்துக்குடி மாவட்டம் விளாத்திகுளம் தொகுதியில் திமுக வேட்பாளர் ஜீ.வி. மார்க்கண்டேயன் திமுக சார்பாக முதல் வெற்றி பெற்றார்.

விளாத்திகுளம் தொகுதியில் திமுக சார்பாக ஜீ.வி. மார்க்கண்டேயன் மற்றும் அதிமுக வேட்பாளர் பி. சின்னப்பன் போட்டியிட்டனர். அதில் அதிமுக வேட்பாளர் பி. சின்னப்பன் 51,237 வாக்குகளையும் திமுக வேட்பாளர் ஜீ.வி. மார்க்கண்டேயன் 89,130 வாக்குகளையும் பெற்றுள்ளார்.

அதோடு நாம் தமிழர் கட்சி வேட்பாளர் பாலாஜி 11,697 வாக்குகள் பெற்று மூன்றாவது இடத்தையும் பெற்றுள்ளதும் கவனிக்கதக்கது.

இந்த தூத்துக்குடி மாவட்டம் விளாத்திகுளம் பேரவைத் தொகுதியை 25 ஆண்டுகளுக்கு பின் திமுக ஜெயித்துள்ளதும் குறிப்பிடத்தக்கது.