சென்னை மண்டலத்தில் நிலவரம் என்ன?.. தமிழகத்தின் தலைநகரை உற்று நோக்கும் இந்தியா!.. நொடிக்கு நொடி திருப்பங்கள்!

சென்னை மண்டலத்தில் உள்ள 15 தொகுதிகளில் திமுக கூட்டணியே முன்னிலை வகிக்கிறது.

2021 தமிழக சட்டமன்ற தேர்தல் கடந்த ஏப்ரல் 6ஆம் தேதி முடிந்த நிலையில், பதிவான வாக்குகளை எண்ணும் பணி இன்று காலை தொடங்கி தொடர்ந்து நடைபெற்று வருகிறது.

இந்நிலையில், சென்னையில் உள்ள 16 தொகுதிகளில், 15 தொகுதிகளில் திமுக கூட்டணி கட்சியே முன்னிலை வகிக்கிறது. துறைமுகம் தொகுதியில் மட்டும் பாஜக வேட்பாளர் வினோஜ் பி செல்வம் முன்னிலை வகித்து வருகிறார். மேலும், அந்த தொகுதியில் வாக்கு வித்தியாசம் என்பது மிகவும் நெருக்கமாக இருப்பதால், திமுகவுக்கும் பாஜகவுக்கும் இடையே மிகக் கடுமையான போட்டி நிலவுகிறது.

இதற்கிடையே, ராயபுரத்தில் போட்டியிட்ட அதிமுக அமைச்சர் ஜெயக்குமார் பின்னடைவை சந்தித்துள்ளார் என்பது குறிப்பிடத்தக்கது.