அம்மாடியோவ்! பொங்கலுக்கு இம்புட்டு நாள் லீவா?.. விவரம் உள்ளே!

தமிழ்நாட்டைப் பொறுத்தவரையில் ஒருநாள் வந்துபோகும் தீபாவளியை விட, ஒருவாரம் கொண்டாடி மகிழும் பொங்கலுக்கு மவுசு அதிகம்.

சொந்தபந்தம்,சொந்த ஊரைப் பிரிந்து நகரங்களின் மாயையில் தொலைந்து போகும் ஒவ்வொருவருக்கும், பொங்கல் விடுமுறை ஆக்சிஜனைப் போன்றது. மூன்று முதல் நான்கு நாட்கள் தொடர் விடுமுறை, கிராமத்து வாசம், உற்றார்-உறவினர்களை சந்தித்தல், நண்பர்களுடன் நேரடி சாட்டிங் என ஒவ்வொருவரும் அந்த ஒருவாரமும் குழந்தைகள் போன்ற மனநிலையுடன் தான் திகழ்வர்.

போகி,பொங்கல்-கரும்பு,ஜல்லிக்கட்டு,விளையாட்டுப் போட்டிகள்  என ஆண்டு முழுவதுமே அந்த நாட்கள் மனதில் பதிந்து மகிழ்ச்சியை அளிக்கும்.இப்படிப்பட்ட சிறப்பு வாய்ந்த பொங்கலுக்கு எக்ஸ்ட்ரா கொஞ்சம் விடுமுறை கிடைத்தால் எப்படி இருக்கும். நினைக்கும்போதே சிறுபிள்ளை போல மனம் துள்ளிக்குதிக்கிறதா?

ஆமாம். இந்த பொங்கலுக்கு சுமார் 9 நாட்கள் வரை அரசு விடுமுறை கிடைக்க வாய்ப்பு உள்ளது. வரும் 2020ல், ஜனவரி 11-ம் தேதி சனிக்கிழமை, 12-ம் தேதி ஞாயிற்றுக்கிழமை. இந்த இரண்டு நாட்களும் அரசு விடுமுறை நாட்கள். 13-ம் தேதி திங்கள் கிழமை வேலை நாள், 14-ம் தேதி செவ்வாய்க்கிழமை போகி பண்டிகை, 15-ம் தேதி புதன் கிழமை பொங்கல், 16ஆம் தேதி வியாழக்கிழமை திருவள்ளுவர் நாள், 17-ம் தேதி வெள்ளிக்கிழமை உழவர் தினம். அதாவது தொடர்ந்து செவ்வாய்க்கிழமையில் இருந்து விடுமுறை வருகிறது.

தொடர்ந்து வரும் 18-ம் தேதி சனிக்கிழமை,19-ம் தேதி ஞாயிற்றுக்கிழமை என அடுத்த 2 நாட்களும் விடுமுறை நாட்களே. இதனால் தொடர்ந்து 9 நாட்கள் மொத்தமாக விடுமுறை கிடைக்க வாய்ப்பு இருக்கிறது. இடையில் வேலை நாளாக இருக்கும் திங்கள் கிழமை மட்டும் விடுமுறை கிடைத்தால், மொத்தம் 9 நாட்கள் பொங்கலைக்  கொண்டாடி மகிழலாம்.13-ம் தேதியை விடுமுறை தினமாக முதல்வர் அறிவித்தால், தொடர்ந்து 9 நாட்கள் விடுமுறை அரசு ஊழியர்கள்,மாணவர்களுக்கு கிடைக்க வாய்ப்பு உள்ளது.

கடந்த பொங்கலுக்கு தமிழக முதல்வர் 6 நாட்கள் அரசு விடுமுறை அறிவித்து இருந்தார் என்பது குறிப்பிடத்தக்கது.