Neeya Naana : எண்ணுனா கண்ணு பட்ரும்.. புடவைக்கு மட்டும் 7 பீரோவா.? - ‘இவங்களோடதான் போட்டியே’.. ட்ரெண்ட் ஆன பெண்மணி..

விஜய் டிவியில் ஒளிபரப்பாகி வரும் நீயா நானா நிகழ்ச்சி சமூக அளவில் அனைத்து தரப்பினரும் பார்க்கக்கூடிய மற்றும் அவர்களின் சிந்தனையை தூண்டக்கூடிய விவாத நிகழ்ச்சியாக பல ஆண்டுகளாக வெற்றிகரமாக நடந்து வருகிறது.

இதில் விவாதிக்கப்படும் பல டாபிக்குகள், பெரிய அளவில் சமூக வலைத்தளங்களில் கூட பேசு பொருளாக மாறும். மேலும் இந்த நிகழ்ச்சியை பல ஆண்டுகளாக பிரபல தொகுப்பாளர் கோபிநாத் தொகுத்து வழங்கி வருகிறார்.

இரு தரப்பிலான கருத்துகளையும் கேட்டுக் கொண்டு, அதில் சரியாக பாய்ண்ட்டுகளை எடுத்துரைத்து பேசுவதன் மூலம் பார்வையாளர்களை வெகுவாக கவர்ந்து வருபவர் கோபிநாத். நீயா நானா நிகழ்ச்சி சில நேரம் கலகலப்பாகவும், சுவாரஸ்யம் கலந்தும் செல்லும். மறுபக்கம், தீப்பறக்கும் விவாதங்கள் கூட உருவாகி பார்ப்பவர்கள் பலரையும் கூட நிகழ்ச்சியுடன் ஒன்றி போக வைக்கும். அதே போல, சமுதாயத்தில் நடக்கும் பிரச்சனைகள் பற்றி ஒருபுறமும், அதே வேளையில் ஜாலியான டாபிக்குகளை கையில் எடுத்து அதனை சுற்றி நடைபெறும் விவாதங்களும் நீயா நானா நிகழ்ச்சியின் சிறப்பம்சமாக பார்க்கப்படுகிறது.

இந்த நிலையில், இந்த வார ஷோவில் புடவை நெய்பவர்கள் மற்றும் புடவை அணியக்கூடியவர்கள் இடையிலான உரையாடல் கோபிநாத்தின் நெறியாள்கைக்கு உட்பட்டு நிகழ்த்தப்பட்டது. இதில் தறி ஆடைகளை அணியக்கூடிய பெண்மணி ஒருவர் பேசும்பொழுது, தான் நிறைய புடவைகள் வைத்திருப்பதாக குறிப்பிட, அப்போது கோபிநாத் அப்பெண்மணியிடம், “ஒரு தோராயமாகவாவது சொல்லுங்கள்.. எத்தனை புடவை நீங்கள் வைத்திருப்பீர்கள்? இது ஒரு சமூக முக்கியத்துவம் வாய்ந்த கேள்வி” என்று ஜாலியாக கேட்கிறார்.

அதற்கு பதில் அளித்த அந்த பெண்மணி, “நான் புடவைகளை எண்ணுவதில்லை. எண்ணினால் கண்ணு பட்டுவிடும் என்பதுதான் அதற்கு காரணம். இருப்பினும் தோராயமாகச் சொல்ல வேண்டும் என்றால் சுமார் ஒரு 7 பீரோவில் புடவைகளை வைத்திருப்பேன்” என்று கூறுகிறார். இதை கேட்ட அரங்கத்தினர் அனைவருமே ஆச்சரியத்தில் ஆழ்கின்றனர்.

இப்போது இந்த பெண்மணி வைரலாகி வருகிறார். பொதுவாகவே பல பெண்களுக்கு புடவைகள் பிடிக்கும், பிடித்த புடவைகளின் கலெக்ஷன்கள் அவர்களிடம் இருக்கும் என்பதற்கு மத்தியில், தற்போது இந்த பெண்மணி ஏழு பீரோ நிறைய புடவைகள் வைத்திருப்பதாக சொல்லும்போது, எந்த மாதிரி கலெக்ஷன்கள் இவரிடம் இருக்கும் என்பன போன்ற பேச்சுகள் வைரலாகி வருகின்றன.