"முக்கியமான 'மேட்ச்'ங்க இது,... அதுல போய் இப்டி பண்ணிட்டீங்களே..." கோலி எடுத்த முடிவால்... வருந்திய 'RCB' 'ரசிகர்'கள்!!!

ஐபிஎல் தொடரின் எலிமினேட்டர் சுற்றில் ராயல் சேலஞ்சர்ஸ் பெங்களூர் மற்றும் சன் ரைசர்ஸ் ஹைதராபாத் அணிகள் தற்போது மோதி வருகின்றன.

இந்த போட்டியில் தோல்வி பெறும் அணி வெளியேறும் என்ற நிலையில், டாஸ் வென்ற ஹைதராபாத் கேப்டன் வார்னர் பந்து வீச்சை தேர்வு செய்த நிலையில், பெங்களூர் அணி 20 ஓவர்கள் முடிவில் 7 விக்கெட்டுகள் இழப்புக்கு 131 ரன்கள் மட்டுமே எடுத்தது. இதில் கோலி செய்த சிறிய மாற்றம் ரசிகர்களிடையே கடும் அதிருப்தியை ஏற்படுத்தியுள்ளது. பெங்களூர் அணியில் எப்போதும் தொடக்க ஆட்டக்காரர்களாக படிக்கலுடன் பிஞ்ச் அல்லது பிலிப் ஆகியோரில் ஒருவர் களமிறங்கி வந்தனர்.

ஆனால், மிக முக்கியமான இன்றைய போட்டியில் அதனை மாற்றம் செய்து கோலி படிக்கலுடன் களமிறங்கினார். இதனால், கோலிஅதிக ரன்கள் அடித்து அசத்துவார் என ரசிகர்கள் எதிர்பார்த்த நிலையில், 6 ரன்கள் மட்டுமே அடித்து நடையைக் கட்டினார். 

தொடர்ந்து படிக்கலும் ஒரு ரன்னில் நடையைக் கட்ட பெங்களூர் அணி தடுமாற்றம் கண்டது. டிவில்லியர்ஸ் தவிர யாரும் பெரிய ஸ்கோர் குவிக்காத நிலையில், திடீரென பேட்டிங் ஆர்டரில் கோலி மாற்றம் செய்தது தவறு என ரசிகர்கள் குறை கூறி பதிவிட்டு வருகின்றனர்.