Video: 'அடிச்சா' அப்டித்தான் அடிப்பேன்... சூப்பர் 'சிக்ஸ்' அடித்து... தெறிக்க விட்ட கேப்டன்!

இந்தியா-இலங்கை இடையிலான 3-வது மற்றும் கடைசி டி20 போட்டி இன்று புனேவில் நடைபெற்றது. முதலில் பேட் செய்த இந்திய அணி 6 விக்கெட்டுகள் இழப்பிற்கு 201 ரன்கள் குவித்தது. தொடர்ந்து 2-வதாக பேட்டிங் செய்த இலங்கை அணி 123 ரன்களுக்கு அனைத்து விக்கெட்டுகளையும் இழந்து தோல்வியைத் தழுவியது.

அதிகபட்சமாக இலங்கை அணியில் டி சில்வா 57 ரன்கள் எடுத்தார். இந்திய அணியில் நவ்தீப் சைனி 3 விக்கெட்டுகளை கைப்பற்றினார். இதன் மூலம் இந்திய அணி இலங்கைக்கு எதிரான டி20 தொடரை 2-0 என்ற கணக்கில் கைப்பற்றி உள்ளது.

முன்னதாக இந்திய அணி பேட்டிங் செய்தபோது போட்டியின் 17-வது ஓவரை மேத்யூஸ் வீசினார். அதனை எதிர்கொண்ட கேப்டன் கோலி அந்த பந்தை ஸ்ட்ரெயிட்டாக சிக்ஸ் அடித்து பறக்க விட்டார். இதைக்கண்ட ரசிகர்கள் மகிழ்ச்சியில் செம ஆரவாரம் செய்தனர். இந்த வீடியோ சமூக வலைதளங்களில் தற்போது வேகமாக பரவிவருகிறது.