'ஜி...' நீங்க 'சூப்பர் பிகரு' ஜி... 'கலாய்த்த' இந்திய 'கிரிக்கெட் வீரர்...' 'வைரலாகும் புகைப்படம்...'

சுழற்பந்து வீச்சாளர் யுவேந்திர சாஹல், ‘பேஸ் ஆப்’ என்ற செயலி மூலம் ரோகித் சர்மாவின் முகத்தை பெண்ணின் முகம் போல் மாற்றி அதை டுவிட்டரில் வெளியிட்டுள்ளார். இந்த புகைப்படம் தற்போது வைரலாகியுள்ளது.

இந்திய கிரிக்கெட் அணியின் துணை கேப்டன் ரோகித் சர்மாவும், சுழற்பந்து வீச்சாளர் யுவேந்திர சாஹலும், சமூக வலைதளங்கள் மூலம் ஜாலியாக கலந்துரையாடுவது வழக்கமாகும். சமீபத்தில் ரோகித் சர்மா, சாஹலை கலாய்க்கும் வகையில் ஒரு போட்டோவை பகிர்ந்து இருந்தார்.

அதில் சாஹல் தளர்வாக இருக்கும் ஒரு டி-ஷர்ட்டை அணிந்திருந்தார். அதை சுட்டிக்காட்டி ரோகித் சர்மா, ‘துணிக்கு உள்ளே நீ இருக்கிறாயா? அல்லது உனக்குள் துணி இருக்கிறதா?’ என்று கேலி செய்திருந்தார்.

இந்த நிலையில் சாஹல், ‘பேஸ் ஆப்’ என்ற செயலி மூலம் ரோகித் சர்மாவின் முகத்தை பெண்ணின் முகம் போல் மாற்றி அதை டுவிட்டரில் வெளியிட்டுள்ளார். அந்த படத்துக்கு கீழே, ‘ரோகித் சர்மா.... நீங்கள் ரொம்ப அழகாக இருக்கிறீர்கள்’ என்ற வாசகமும் பதிவிட்டுள்ளார். இந்த போட்டோ ரசிகர்கள் மத்தியில் வைரலாகியுள்ளது.