“இமெயில்-ல் வந்த தகவல்”.. போலீஸ் ஸ்டேஷனில் ‘பரபரப்பு’ புகார் அளித்த கம்பீர்.. அதிர்ச்சி சம்பவம்..!

பாஜக எம்பி கௌதம் கம்பீர் டெல்லி காவல் நிலையத்தில் பரபரப்பு புகாரை அளித்துள்ளார்.

இந்திய அணியின் முன்னாள் வீரரும், பாஜக எம்பியுமான கௌதம் கம்பீருக்கு (Gautam Gambhir) ஐஎஸ்ஐஎஸ்-காஷ்மீர் (ISIS-Kashmir) அமைப்பை சேர்ந்த தீவிரவாதிகள் மிரட்டுவதாக டெல்லி காவல் நிலையத்தில் புகார் அளித்துள்ளார்.

இதுகுறித்து தெரிவித்த காவல் அதிகாரி ஸ்வேதா சவுகான், ‘இ-மெயில் மூலமாக கௌதம் கம்பீருக்கு ஐஎஸ்ஐஎஸ்-காஷ்மீர் அமைப்பிடம் இருந்து கொலை மிரட்டல் வந்துள்ளது. அதனால் அவரது வீட்டுக்கு பாதுகாப்பு பலப்படுத்தப்பட்டுள்ளது’ என தெரிவித்துள்ளார்.

கௌதம் கம்பீர் கிழக்கு டெல்லி பகுதியில் வசித்து வருகிறார். இந்த இ-மெயில் நேற்று வந்ததாக அவர் தெரிவித்துள்ளார். இந்த சம்பவம் அரசியல் வட்டாரத்தில் பரபரப்பை ஏற்படுத்தியுள்ளது.