ஒவ்வொரு குடும்பத்திற்கும் 5000 ரூபாய்.. இந்தியால இப்படி ஒரு மாநிலமா? நிகழ்த்தி காட்டிய முதலமைச்சர்!

ஒவ்வொரு குடும்பத்திற்கும் 5000 ரூபாய் வழங்கும் திட்டத்தை மேகாலயா மாநிலத்தின் அரசு கொண்டு வந்துள்ளது.

Also Read | சவூதி இளவரசருக்கு சொந்தமான உலகின் காஸ்ட்லியான வீடு... பிரம்மிக்க வைக்கும் புகைப்படங்கள்.. விலையை கேட்டா தான் பகீர்னு இருக்கு..!

மேகாலயா முதல்வர் கான்ராட் சங்மா தனது அரசியல் வாழ்வின் முக்கிய முயற்சியான  ஃபோகஸ் + என்ற திட்டத்தை நேற்று அறிமுகப்படுத்தினார். இந்த திட்டம் மேகாலயா முழுவதும் உள்ள அனைத்து குடும்பங்களுக்கும் பயனளிக்கும் வகையில் அமைக்கப்பட்டுள்ளது.

இந்தத் திட்டத்தின் கீழ், ஒரு குடும்பத்துக்கு ரூ. 5,000/- நிதி உதவி நேரடியாக பயனாளியின் வங்கிக் கணக்கில் வழங்கப்படும்.

இந்த திட்டம், வடக்கு கரோ ஹில்ஸ், ரெசுபெல்பாராவில் நடந்த ஒரு நிகழ்வில் முதலமைச்சர் மூலம் தொடங்கப்பட்டது.

மேலும் மேகாலயாவின் கிராமப்புற மக்களில் பெரும் பகுதியினருக்கு உதவி வழங்கவும், மாநில மக்களின் வாழ்க்கையை மாற்றும் வகையில் இருக்கும் என அவதானிக்கப்படுகிறது.

மேகாலயா அரசு 10 ஆண்டுகளில் முதல் 10 மாநிலங்களில் ஒன்றாக இருக்க வேண்டும் என்ற தனது பார்வையை நனவாக்கும் போக்கில் இந்த திட்டத்தை கொண்டு வந்துள்ளதாக முதலமைச்சர் தெரிவித்தார்.

நிகழ்ச்சியில் பேசிய முதலமைச்சர் கான்ராட் சங்மா, “கடந்த நான்கரை ஆண்டுகளாக மேகாலயா பல்வேறு துறைகளில் தொடர்ந்து முன்னேறி வருகிறது, எங்களது முக்கிய முன்னுரிமை பகுதிகளில் ஒன்று நமது விவசாயிகள்.  விவசாயிகளின்   விவசாய நடவடிக்கைகளை மேம்படுத்துவதற்கு மிகவும் தேவையான உத்வேகத்தை இந்த ஃபோகஸ் திட்டம் அளித்துள்ளது.

ஃபோகஸ் என் இதயத்திற்கு மிகவும் நெருக்கமானது, ஏனென்றால் இது எங்கள் விவசாய சமூகத்தின் பெரும் பகுதிக்கு உதவியது. விவசாயிகளின் வருமானத்தை இரட்டிப்பாக்குவதும் இந்த திட்டத்தின் ஒரு பகுதியாகும்.

மேலும் கிராமப்புற மேகாலயாவில் உள்ள ஒவ்வொரு குடும்பமும் தங்களின் உண்மையான திறனை உணர்ந்து கொள்ள & அதிகாரம் பெறுவதை உறுதிசெய்ய ஃபோகஸ்+  தேவையான உதவிகளை வழங்கும். இந்தத் திட்டம் மாநிலம் முழுவதும் உள்ள குடும்பங்களுக்கு ரூ.5,000/- ரூபாய் குடும்ப நல ஊதியமாக வழங்கப்படும் " என்று சங்மா கூறினார்.

மேலும் பேசிய சங்மா, "விவசாயத்தில் கவனம் செலுத்துவதே முக்கிய நோக்கமாகும். அரசாங்கம் விவசாயிகளுக்கு நிதி உதவி செய்யத் தயாராக இருப்பதால் அதிகமான தனிநபர்கள் விவசாயத்தில் சேர முடியும். மேகாலயாவில் விவசாயம் மற்றும் விவசாயத்தில் நிறைய வாய்ப்புகள் உள்ளன. இந்த திட்டம் மக்களுக்கு உதவும் என்று நம்புகிறேன்," என்று சங்மா கூறினார்.

Also Read | மனைவியின் தங்கச்சி மீது காதல்.. வசிய மருந்தோட வீட்டுக்கு போன கணவன்.. அலேக்காக தூக்கிய போலீஸ்..திடுக்கிட்ட திருப்பத்தூர்..!