இந்தி வினாத்தாள்: மதிய உணவைத் 'தியாகம்' செய்து நீட் எழுதும் மாணவர்கள்!

மதுரை நாய்ஸ் மேல்நிலைப்பள்ளியில் இந்தியில் நீட் வினாத்தாள் கொடுக்கப்பட்டதால் மாணவர்கள் கடும் அதிர்ச்சி அடைந்தனர். இதனைத்தொடர்ந்து 96 மாணவர்களுக்கு கேள்வித்தாள்கள் கடைசி நேரத்தில் பள்ளி அலுவலகத்தில் நகல் எடுக்கப்பட்டு வழங்கப்பட்டுள்ளது.

இதனால் மாணவர்கள் அனைவரும் மதிய உணவைத் துறந்து 3 மணியிலிருந்து மீண்டும் நீட் தேர்வை எழுதி வருகின்றனர். இதனால் மாணவர்களின்,பெற்றோர்கள் கடும் கோபத்திலும் ஆற்றாமையிலும் இருக்கிறார்கள்.

மாணவர்களை சரியாக வரச்சொன்ன சி.பி.எஸ்.சி. தேர்வுத்துறை, சரியான கேள்வித்தாளை வழங்காமல் அலட்சியமாகச் செயல்பட்டதாக மாணவர்களின் பெற்றோர் கொந்தளித்து வருகின்றனர்.