'இடது கை தோனி இவர்'.. இஷான் கிஷானைப் புகழ்ந்த பிரபலம்!

நேற்று நடைபெற்ற கொல்கத்தாவுக்கு எதிரான போட்டியில் மும்பை அணியின் இளம் வீரர் இஷான் கிஷான் அதிரடியாக ஆடி 21 பந்துகளில் 62 ரன்களைக் குவித்தார். குறிப்பாக 17 பந்துகளில் இவர் அதிவேக அரைசதம் அடித்தார். இதன் மூலம் நடப்பு ஐபிஎல்லில் குறைவான பந்துகளில் அரைசதம் அடித்த, 2-வது வீரர் என்ற பெருமை இஷானுக்குக் கிடைத்துள்ளது.

நேற்றைய போட்டியின்போது சென்னை கேப்டன் தோனி பாணியில் இஷானும் 'ஹெலிகாப்டர்' ஷாட்களைப் பறக்க விட்டார். இந்த நிலையில், இஷானின் இந்த ஆட்டம் குறித்து ஆஸ்திரேலிய முன்னாள் கேப்டன் மைக்கேல் கிளார்க், இஷான் கிஷானை 'இடது கை தோனி' எனப் புகழ்ந்துள்ளார்.

தோனி போலவே ஜார்க்கண்ட் பகுதியில் இருந்து கிரிக்கெட் ஆட வந்திருக்கும் இஷானுக்கு, நேரம் கிடைக்கும் போதெல்லாம் தோனி டிப்ஸ் கொடுத்து வருகிறார் என்பது குறிப்பிடத்தக்கது.